ကမ္ဘောဇတိုင်းမှ ကဗျာတစ်ပုဒ်

        နေ၀င်တော့မည်။ ခပ်ဝေးဝေးမှာမြင်နေရသောတောင်တစ်ဘက်မှနေရောင်   
ကားကျွန်တော်တို့သွားရာလမ်းတစ်လျောက်ခပ်ပျပျကျရောက်လျက်။ဟိုတစ်ကွေ့၊ ဒီတစ်ကွေ့အဆင်းအတက်တွေနဲ့မြေနီလမ်းမှာလိမ္မော်ရောင်ဖျော့ဖျော့နေရောင်ဖြင့်
ပန်ချီကားတစ်ချပ်နှယ်ငေးမောလို့ကောင်းဆဲ။လမ်းလျောက်လာသည်မှာနာရီဝက်
ခန့်ရှိပြီ။ကိုအိုက်ပန်ကတော့မမောနိုင်၊မပန်းနိုင်သုတ်သုတ်သုတ်သုတ်နဲ့၊ကျွန်တော်
သာ အလေ့အကျင့်မရှိ၍ မောဟိုက်နေသည်။
   “ဟိုရှေ့ကမြင်နေရတာပင်ငိုတောင်လေ။နင်တို့စာအုပ်ထဲမှာတော့ပင်ပစ်တောင်

လို့ပါတယ်။သတ္တုရိုင်းတွေရှိတယ်ဆိုတာပေါ့။”ဟုကိုအိုက်ပန်ကလှည့်ပြောမှ
ကျွန်တော် စကားစဖို့ ရသွားသည်။

   “ဟုတ်လား၊ အငယ်တုန်းကသင်ဖူးတယ် ထင်တယ်။ အဲဒီထိသွားရမှာလား၊ 
ကျွန်တော်တော့မောနေပြီဗျ၊ ခဏလောက်နားရအောင်၊”

   “မသွားရပါဘူး။ရှေ့ဆိုရောက်ပြီ။နေမ၀င်ခင်ရွာရောက်မှသူကြီးဆီအကျိုး   
အကြောင်းပြောရဦးမယ်”

   ကိုအိုက်ပန် ပြောရင်းက သူ့ရှမ်းလွယ်အိတ်ကြီးကိုချပြီး ဆေးလိပ်ထုတ်သောက်
နေသည်။ကိုအိုက်ပန်နင့်ကျွန်တော်တို့စိုက်ပျိုးရေးနည်းပညာဟောပြောပွဲအတွက်
လာခဲ့ခြင်း ဖြစ်သည်။ရှမ်းတောင်သူများသည် နေ့ဘက်ဆိုတောင်ယာခုတ်၊ခြံထဲ
ဆင်းတာမို့ယခုလိုကြိုတင်လာအသိပေးရတာ။သူကသူကြီးနဲ့အခမ်းအနားပြင်ဆင်
ဖို့ညှိနှိုင်းရသလိုကျွန်တော်လည်းစိုက်ပျိုးရေးနည်းပညာပေးရှေ့ပြေးဆွေးနွေးဖို့
တစ်ချက်ခုတ်၊နှစ်ချက်ပြတ်အတူတူထွက်လာခြင်းဖြစ်သည်။ဒီဒေသတာဝန်ကျ
ကတည်းကဒေသခံရှမ်း၊ပအိုဝ့်၊ဂေါ်ရခါးလူမျိုးတွေနဲ့တွေ့ဆုံဆွေးနွေးခွင်၊သူတို့ဘ၀
အခြေအနေတွေလေ့လာခွင့်ရလို့ကျွန်တော်ဝမ်းသာနေမိသည်။ကိုအိုက်ပန်လည်း
ဘာထူးလဲ။ရှမ်းအမျိုးသားတစ်ယောက်ပဲ။သူကရှမ်းစကားကောပအိုဝ့်စကားပါတတ်
တဲ့အတွက် အားလုံးအဆင်ပြေသည်။
          ခဏထိုင်နေစဉ်အတွင်းရှမ်းတွေ၊ပအိုဝ့်တွေရဲ့ဓလေ့စရိုက်တွေအကြောင်း၊
သူတို့ဘ၀ အတွေ့အကြုံ တွေအကြောင်း ပြောပြနေတာ တော်တော်စိတ်ဝင်စားဖို့
 ကောင်းသည်။ သူပြောတာတွေ နားမလည်မှာ စိုးလို့ ဥပမာဆိုရင်…ခဏခဏ 
ထည့်ပြောတာကို တစ်ခု သတိထားမိသည်။

    “ကဲ၊ကဲ သွားရအောင် နင်အမောပြေပြီမဟုတ်လား”

           မေးရင်းတပြိုင်နက် သူခပ်သွက်သွက်ထလမ်းလျောက်သည်။ကျွန်တော်တို့
ခဏလမ်းလျောက်မိတယ်ဆိုရင်ပဲကွန်ချောင်းရွာကိုရောက်တော့သည်။
ရွာကိုရောက်တော့မှောင်နေပြီ။လူသံတောင်အတော်တိတ်နေပြီ။ရှမ်း၊ပအိုဝ့်တွေ
ဟာစောစောအိပ်၊စောစောထလေ့ရှိသည်။“ဗမာစောရှမ်းတောပြန်”ဟုဆိုခဲ့လေသ
လား။သူကြီးအိမ်ရောက်တော့ကျွန်တော်တို့မှာပါလာတဲ့အသားဘူး၊ငါးဘူးတွေထုတ်
ပေးရင်းထမင်း၊ဟင်းချက်ဖို့၊ဒီညဒီရွာမှာအိပ်ဖို့နဲ့စပါးစိုက်တောင်သူတွေနဲ့တွေ့ဆုံဖို့
 ပြောပြရသည်။
         ရွာသူကြီးကပအိုဝ့်အမျိုးသားဖြစ်ပြီး၊ရင်းနှီးဖော်ရွှေလှသည်။ဒီရွာကပအိုဝ့်ရွာ
လို့လည်းသိရသည်။အိမ်ရှင်ပအိုဝ့်မကြီးကထမင်းနှင့်ကျွန်တော်တို့ပါလာသော
အသားဘူး၊ငါးဘူးများကိုချက်ပေးသည့်အပြင်“ဘွန်”ခေါ်ငှက်ပျောဖူးဟင်းပါချကျွေး
သည်။ဆာနေလို့လားမသိ၊တော်တော်စားလို့ကောင်းသည်။ထမင်းစားပြီးမကြာ
ခင်ပဲတောင်သူတွေရောက်လာပြီးကိုအိုက်ပန်ကရှမ်းလိုတစ်လှည့်၊ပအိုဝ့်တစ်လှည့်
လယ်လပ်မြေတွေမထားသင့် ကြောင်း  ကြိုတင်ပြောပြသည်။ကျွန်တော်
တစ်ယောက်တည်း ဟိုလိုက်ငေးလိုက်၊ ဒီလိုက်ငေးလိုက် အချိန်အတော်ကြာသွား
သည်။ကိုအိုက်ပန်က ကျွန်တော်ဘက်လှည့်ကာ “သူကအသစ်ရောက်လာတာ။

 စိုက်ပျိုးရေးကမေးစရာပြောစရာရှိရင်ပြောကြည့်ကြပါဦး”မိတ်ဆက်ပေးသည်။
တောင်သူသုံးလေးယောက်ကျွန်တော့်ကိုစပါးမျိုးတွေအကြောင်းမေးလာသည်။
ကျွန်တော်ကအထွက်ကောင်းစပါးမျိုးသစ်တွေအကြောင်း၊အထွက်နှုန်းတိုးဖို့
တန်းစိုက်စနစ်တွေအကြောင်း၊ဓာတ်မြေသြဇာအစားသဘာဝမြေသြဇာ၊
အီးအမ်ဘိုကာရှီ(EM Bokashi)၊ ဒွန်ချကင်(Donchakin)အကြောင်းတွေ အားတက်
သရောပြောပြမိသည်။သူတို့ကလည်းစိတ်ဝင်တစားနားထောင်ပြီး နွားမွးတာနည်း
လို့ နွားချေး(နောက်ချေး)ဈေးကြီးကြောင်း၊သဘာဝမြေသြဇာလုပ်နည်းတွေလိုက်
လုပ်ချင်ကြောင်း၊ကျွဲကိုင်ခ(ကျွဲငှားခ) ဈေးကြီး ကြောင်းတွေပါ ပြောပြကြသည်။
သိချင်တာတွေ၊ပြောချင်တာတွေပြောပြီးနောက် ကျွန်တော်လည်း မအိပ်ချင်သေး
တာမို့ အိမ်အောက်ဖက် ဆင်းလာခဲ့မိသည်။ လကား ထိန်ထိန်သာလို့၊၀ါးရုံပင်တော
ကိုလေတိုးသံကတကျွီကျွီနဲ့။တစ်ချက်တစ်ချက်ရွာလယ်ဘက်မှပအိုဝ့်သီချင်းသံ
ခပ်ဝဲ၀ဲကဆွတ်ပျံ့ကြည်းနူးဖွယ်။လရောင်အောက်မှာအဆင်းသားလှဲလှောင်းနေတဲ့ ရှမ်းကုန်ပြင်မြင့်တွေမြင်ရတာ ရေဆင်းကျောင်းတော်ကြီးကိုသတိရစေခဲ့သည်။
ကျောင်းတော်ကြီးကရော အခုလို ကုန်းဂမူ တွေပေါ်မှာ မဟုတ်လား။

          ×       ×       ×       ×       ×       ×       ×       ×       ×       ×

         ကျောင်းကိုတွေမိရင်း ရေဆင်းမြေ ရေတမာရနံ့ကို ရူရိုက်ရင်း နှလုံးသားပါ
 လှုပ်ခတ်စေခဲ့တဲ့သူတစ်ယောက်အကြောင်းရင်ထဲအလိုလိုရောက်လာသည်။
 သဇင်နဲ့ဆုံခဲ့တာ မဆန်းလှတဲ့အဖြစ်အပျက်တွေထဲကတစ်ခုပါ။
သဇင်ဟာခုံနံပါတ်(Roll No.)မြင့်မြင့်နဲ့ရောက်ခဲ့သလိုဖျတ်လက်တက်ကြွတဲ့
ဟန်ပန်၊ခေတ်မှီဆန်းပြားတဲ့ ၀တ်စား ဆင်ယင်မှု နဲ့ အလှဂုဏ်တွေကြောင့်
မသိသူမရှိသလောက်ပါပဲ။

      သဇင်နဲ့ စတွေ့တာ “တက္ကသိုလ် အနုပညာအသင်း” စာပေ ဟောပြောပွဲမှာ။
 စာပေ၀ါသနာကြီးလှတဲ့ကျွန်တော်က“စာပေဟောပြောပွဲဖြစ်မြောက်ရေး ကော်မတီ”
မှာတက်တက်ကြွကြွဆောင်ရွက်ရင်း၊ဆုဗန်းကိုင်မယ့်အလှမယ်တစ်ယောက်အနေနဲ့
သဇင့်ကိုစပြီးရင်းနှီးရသည်။အလုပ်အတူတူလုပ်ကြရင်းတစတစရင်းနှီးလာကာ
တက္ကသိုလ်တတိယနှစ်မှာပဲသူနဲ့ကျွန်တော်ချစ်သူဘ၀ရောက်ခဲ့ရသည်။အခုတော့
သဇင်ကတစ်ဒေသ၊ ကျွန်တော်ကတစ်ဌာန။
 “ဟေ့၊အိပ်ရအောင်လေ၊ညဥ့်နက်နေပြီ။”ကိုအိုက်ပန်ရဲ့အော်ခေါ်သံကြောင့် အတွေးစကိုဖြတ်ကာဝါးလှေကားလေးအတိုင်းအိမ်ပေါ်တက်လာခဲ့သည်။
အိမ်ရှေ့ဘုရားခန်းမှာ ကျွန်တော်တို့အတွက် အိပ်ရာတွေ အဆင်သင့်။

          ×       ×       ×       ×       ×       ×       ×       ×       ×       ×      

   မနက်အိပ်ရာထတော့ အိမ်ရှင်တွေအားလုံး နိုးနေကြပြီ။မနက်စာအတွက်
 ပြင်ပေးထားတဲ့ ပဲပုတ်ဖုတ်၊မုံညှင်းခြောက်ကြော်တွေနဲ့ပအိုဝ့်ထမင်းပူပူနွေးနွေးက
 စားရတာခံတွင်းတွေ့လှသည်။ ကိုအိုက်ပန်က ထမင်းစားပြီး အခါရည်အိုးရှေ့ချကာ
 ဆေးလိပ်ဖွာနေသည်။

        “ကိုအိုက်ပန် ကျွန်တော်တို့ ဘယ်နေရာမှာ ဟောပြောပွဲလုပ်မှာလဲ”

       “မူလတန်းကျောင်းထဲမှာ၊နင်ကလည်း စောပါသေးတယ်ဟ။အဖွဲ့တွေတောင်
 ရောက်မလာသေး ဘဲနဲ့၊ အခါးရည်သောက်အုံး” ဟု အေးအေးဆေးဆေးပြောသည်။

“ကိုအိုက်ပန်ပအိုဝ့်တွေရေနွေးကြမ်းသောက်ရင်ဘာလို့ဆားခပ်သောက်တာလဲ” ဟုမေးလိုက်သည်။ကျွန်တော်ဘေးနားကရွာသူကြီးက“တို့ရိုးရာပဲလေ”တဲ့
။ရေနွေးတွင်ဆားအနည်းငယ်ခပ်သောက်တာအစာကြေလွယ်စေ၍၀မ်းသက်စေသည်
ဟုသိရသည်။ပအိုဝ့်တွေရေနွေးအလွန်ကြိုက်ကြသည်။တောင်ပေါ် ဒေသမို့
အပူလိုလို့လားမပြောတတ်။ထမင်းချက်ရာတွင်လည်းရေနွေးအရင်တည်၊ ဆန်နောက်မှထည့်ပြီးမှအရည်ခမ်းချက်ကာပူပူနွေးနွေးစားတတ်သည်။
ငရုတ်သီးလည်းတော်တော်စားသည်။ဟင်းချက်တိုင်းငရုတ်သီးခပ်သည်။
 “ခမ်းအောက်” ခေါ် ငရုတ်သီးဟင်းသည် သူတို့ရိုးရာပင်။

    တာဝန်ရှိသူတွေရောက်လာတော့အားလုံးပဲ စာသင်ကျောင်းထဲ သွားကြသည်။
 စပါးစိုက်တောင်သူတွေက တဖွဲဖွဲရောက်လာပြီး အသီးသီးနေရာ ယူကြသည်။
 မြို့နယ် မြေစာရင်းဦးစီးမှုးက လယ်ယာမြေတွေသီးနှံစီမံချက်မှီအောင်စိုက်ကြဖို့
အကြောင်း၊လူနေအိမ်တွေကိုလယ်မြေ၊ယာမြေတွေပေါ်မှာ မဆောက်ကြဖို့အကြောင်း၊
မေစာရင်း လုပ်ထုံးလုပ်နည်းတွေအကြောင်း ဟောပြောဆွေးနွေးသည်။မြို့နယ်
ဆည်မြောင်းဦးစီးကလည်းဆည်ရေသောက်လယ်တွေမှာရေကိုစနစ်တကျယူဖို့၊
ဆည်မြောင်းတွေမပျက်စီးအောင်ကူညီထိန်းသိမ်းဖို့ နှင့်အခက်အခဲတစ်စုံတစ်ရာရှိရင်
လာရောက်အကူအညီတောင်းဖို့ရှင်းလင်းပြောပြသည်။ကျွန်တော်ကလယ်ယာမြေ
လုပ်ငန်းခွင်အကြောင်း၊သနပ်ဖက်ခြံတွေအကြောင်းလေ့လာထားတာမို့တောင်သူ
အများစုစိုက်ပျိုးတဲ့လက်ဖက်နဲ့သရက်ကြားညှပ်စိုက်ပျိုးရေး၊သဘာဝမြေသြဇာ ပြုလုပ်
သုံးစွဲဖို့နဲ့   ပြုလုပ်နည်းအကြောင်း၊အထွက်တိုး၁၀ချက်ပါအချက်များကိုစနစ်တကျ
လိုက်နာဆောင်ရွက်ပြီး၊စပါးအထွက်တိုးရေးဆောင်ရွက်ဖို့အကျယ်တ၀င့်ရှင်းလင်းဟော
ပြောခဲ့သည်။နေမွန်းတည့်တော့အားလုံးထမင်းစား နားကြသည်။

              နေ့လည်ပိုင်း ဟောပြောပွဲ ခဏနားတော့ ရွာထဲလျောက်လည်ရင်း
 ရွာအရှေ့ဘက်“ကွန်ချောင်း”မှာ ရေချိုးသည်။ဤဒေသမှာ ရေချောင်း၊ရေထွက်၊
စိမ့်စမ်းလေးများအလွန် ပေါသည်။ပအိုဝ့်တွေ၊ ရှမ်းတွေအတွက် သဘာဝက
ပေးသောလက်ဆောင်ဖြစ်သည်။အားလုံးပဲရေချောင်းမှာရေချိုး၊အ၀တ်လျှော် လုပ်ကြသည်။ အေးစိမ့်ပြီးရေချိုးလို့အတော် ကောင်းသည်။တော်ကြာဖျားနေမှာ
စိုးရိမ်ရသည်။ကမ်းပေါ်တက်ပြီး ပါလာတဲ့ ပါဝါလေးနဲ့ ရေသုတ် နေစဉ်-

          “အကိုကြီး ရေလာချိုးတာလား” ဟု အသံဝဲ၀ဲလေးနဲ့ ပအိုဝ့်မလေးက
 နှုတ်ဆက်သည်။

          “ဟုတ်ကဲ့” လို့ ကျွန်တော် တုံးတုံးတိတိဖြေလိုက်တာကို ရယ်ကျဲကျဲမျက်နှာလေး
နဲ့ကြည့်နေသည်။ကျွန်တော်လည်းဘာပြန်ပြောရမှန်းမသိ၊သူရဲ့ဖော်ရွေမှုကိုတော့
 ကျေးဇူးတင်သွားသည်။ခင်မင်စရာ ကောင်းလှသည်။

          “အကိုကြီး မနက်က ကျောင်းထဲလာတဲ့ အဖွဲ့ကမို့လား”

         “ဟုတ်တယ်။အော်သိပြီသိပြီ။ကျောင်းကဆရာမမို့လား။ရေလာချိုးတာလား။
ဘယ်မှာနေတာလဲ” ဟု ကျွန်တော် အလောတကော ပြန်ပြောမိသည်။

           “ဟုတ်ကဲ့၊ကျွန်မ ဒီရွာကပဲ”

   “အော့ အော့၊အမည်တမိုင်”လြို့မန်မာလိုဟုတ်ကဲ့၊ နာမည်ဘယ်လိုခေါ်လဲ” 
ကိုပအိုဝ့်စကားဖြင့် ပြောလိုက်တော့ သူသဘောကျစွာ တခစ်ခစ်ရယ်သည်။

          “အကိုကြီး ပအိုဝ့်စကားတတ်သလား”

          “မတတ်ပါဘူး။အဲဒီတစ်လုံးပဲ သိတာ။ကျွန်တော်မေးတာ ဖြေအုံးလေ”

          “နောင်မွန်းပါ။အကိုကြီး နာမည်ရော ဘယ်လိုခေါ်လဲ”

          “အောင်ဇော်ပါ၊မြို့ရောက်လို့ တွေ့ရင်ခေါ်ပါနော်”

          “ဟုတ်ကဲ့ရှင့်”

          သူ့ရဲ့အပြောလေးကို သဘောကျမိသည်။ကျွန်တော်နဲ့ သက်တူရွယ်တူ
လောက်ပဲ ရှိမည်ထင်သည်။ ပအိုဝ့်မလေးတွေ ထုံးစံအတိုင်း ခပ်၀၀လေး၊ 
အသားတော်တော်ဖြူတာမို့သူမျက်နှာဝိုင်းဝိုင်းလေးနဲ့အတော်ကြည့်ကောင်းသည်။
သူလည်းရေချိုးတော့မှာမို့“သွားတော့မယ်ဗျာ”လို့နှုတ်ဆက်ပြီးကျွန်တော့်အဖွဲ့
 စုနေတဲ့ ရွာသူကြီးအိမ် ပြန်လာတော့သည်။

             နေ့လည်ပိုင်း သနပ်ဖက်ရွက်ဟောင်းတွေ၊ ကောက်ရိုးတွေကို စုပေါင်းပြီး
 ကျေးရွာအမှိုက်တွေဖြင့် အီးအမ်ဘိုကာရှီသဘာဝမြေဆွေးပုံပြုလုပ်ခဲ့သည်။လိုအပ်
သောတင်လဲရည်နှင့်အီးအမ်ဖျော်ရည်ရုံးမှတစ်ပါတည်းယူဆောင်လာခဲ့လို့ အစစ
အရာရာအဆင်ပြေပါသည်။ရွာသားတွေကလည်းကူညီလုပ်ကိုင်ပေးသည်။နောက်နောင်
တွင်လည်းယခုကဲ့သို့မြေဆွေးပုံပြုလုပ်သုံးစြွဲကဖို့ရွာသူကြီးနှင့်တကွတောင်သူအားလုံးကို မှာခဲ့ရသည်။အားလုံးပြီးတော့ညနေဘက်လောက်တွင် ကျွန်တော်တို့ အဖွဲ့တွေ ရွာမှ
ပြန်လာကြတော့သည်။

×       ×       ×       ×       ×       ×       ×       ×       ×       ×

      ခင်မင်စရာကောင်းတဲ့ပအိုဝ့်မလေးကိုမကြာခဏသတိရမိပေမဲ့အလုပ်တွေများ
နေသည်။“ကွန်ချောင်း” ရွာဘက် နောက်ထပ်မရောဖြစ်သေး။တခြားရွာတွေဘက် ကွင်းဆင်းဆောင်ရွက်နေရသည်။တစ်နေ့ကတင်ကားပေါ်မှနောင်မွန်းလှမ်းနှုတ်ဆက်
သည်။ဘုန်းကြီးကျောင်းဘက်သွားရမှာဟုပြောသွားသည်။စကားကြာကြာမပြောလိုက်ရ။

     တနေ့မြို့ နယ်မန်နေဂျာကခေါ်ပြီး “မင်း…ကွန်ချောင်းရွာဘက် တာဝန်ကျတယ်”
လို့ပြောတော့ကျွန်တော် တော်တော်ဝမ်းသာသွားသည်။  မြို့ နယ်မန်နေဂျာက 
မိမိတာဝန်ကျရာဒေသ၏စိုက်ပျိုးရေးနည်းစနစ်များခေတ်မီတိုးတက်အောင် ဆောင်ရွက်
ဖို့ ဒေသခံတွေနဲ့အဆင်ပြေအောင် ပေါင်းသင်းဆက်ဆံဖို့၊ မိမိရဲ့ ညီအကိုမောင်နှမတွေ
လို သဘောထားပြီး မိမိတတ်ထားတဲ့စိုက်ပျိုးရေးပညာနဲ့ တတ်နိုင်သလောက်အကူ
အညီပေးဖို့မှာကြားပြောပြသည်။ပြောတာတွေနားထောင်းမိရင်းသဇင်ကိုအမှတ်ရမိ
သည်။ဒါတွေကိုပြန်မတွေးချင်။ကျွန်တောာ်မမှားဟုပင်ယုံကြည်သည်။ကျွန်တော်တို့
နောက်ဆုံးနှစ်ကျောင်းသားဘ၀ တစ်နေ့ သဇင်နဲ့ စကားပြောရင်း

       “ကိုယ်တော့ကျောင်းပြီးရင်ပြည်နယ်တွေဘက်သွားချင်တယ်။ဒေသန္တဗဟုသုတ
လည်းရ၊ကိုယ်လည်း စာရေးဖို့ ကုန်ကြမ်းရတာပေါ့။သဇင်ရော သဇင့်မြို့ ပြန်လျှောက်
မှာလား။”

       “သဇင်အလုပ်မလျှောက်ဘူး ဇော်။သဇင်ဂျပန်ကမျိုးစေ့ကုမ္မဏီတစ်ခုမှာသွားလုပ်ဖို့
စီစဉ်ထားတယ်။”

       “သဇင်ဘာဖြစ်လို့လဲ။ကိုယ်ကိုလည်း ကြိုမပြောဘူး”

       “ဂျပန်မှာ ပိုအဆင်ပြေတယ်။လူနေမှု အဆင့်အတန်းလည်း မြင့်တယ်။သဇင်ဘ၀
တက်လမ်းလည်း ရှိတယ်လေ။ကြိုမပြောတာက ဇော်အံ့သြသွားအောင်လို့ပါ။”

         “ကိုယ်တော့ သဘောမတူဘူး။သဇင် တကိုယ်ကောင်းဆန်တာပဲ။”

         “တစ်ကိုယ်ကောင်းဆန်တာ မဟုတ်ပါဘူး။ဇော်နဲ့ အတူတူပေါ့။ဇော်လည်း 
အလုပ်မလျှောက်နဲ့။သဇင် အဆင်ပြေတာနဲ့ ဇော်ကို လှမ်းခေါ်မယ်။”
        “မဟုတ်သေးဘူးလေ။ဒီမှာ အလုပ်အကိုင်ရနေတာပဲ။ကိုယ်တို့တစ်နိုင်ငံလုံး 

စိုက်ပျိုးရေးကဏကိုအားသွန်ခွန်စိုက်လုပ်နေတဲ့အချိန်မှာကိုယ်နိုင်ငံမှာပဲလုပ်သင့်
တာပေါ့။”

        “ဘာလဲ….. ဇော်က တိုင်းပြည်နဲ့လူမျိုးအတွက်တွေ၊ဘာတွေ ပြောဦးမလို့လား။
ဇော်ဖတ်ထားတဲ့ ၀တ္ထုစာအုပ်တွေထဲက စကားလုံးတွေနဲ့…..သဇင်ရယ် မင်းမှာ
မျိုးချစ်စိတ်မရှိဘူးလားနဲ့ မေးဦးမှာလား” ခနဲ့တဲ့တဲ့ မျက်နှာပေးနဲ့ ပြောသည်။
သဇင်ရဲ့စကားလုံးတွေကြောင့် ကျွန်တော့်ဒေါသတွေ ထောင်းကနဲထွက်သွားပြီး-

         “သဇင် မင်းစကားလုံးတွေက စော်ကားလှချည့်လား”

         ကျွန်တော့်ရဲ့ယုံကြည်ချက်တွေ၊စေတနာတွေကိုထိပါးလာလို့ လေသံ
နည်းနည်းပြင်းသွားသည်။သဇင် က အကင်းပါးလှသည်။မျက်နှာအောက်ချကာ
လေပြေလေးနဲ့

          “ဆောရီးပဲ ဇော်၊ သဇင်ပြောတာ နည်းနည်းလွန်သွားတယ်”

          ဆိုတာပြောရင်း၊ သူရည်မှန်းချက်တွေ၊ အလားအလာတွေ အကြောင်း
အေးအေးဆေးဆေးပြောပြသည်။သဇင့်စကားလုံးတွေကကျွန်တော့်ဘယ်ဘက်နားမှ
ဝင်ကာ၊ညာဘက်နားမှ ပြန်ထွက်သွားသည်။ ကျွန်တော် လက်ခံလို့မရပါ။ သို့သော် 
ချစ်ရတဲ့သူမို့ အခြေအတင် မပြောတော့ဘဲ ငြိမ်းပြီး နားထောင်နေလိုက်သည်။
ဒီကိစ္စကို ကျွန်တော်တို့နှစ်ယောက်ကြား ဖွင့်ဟတိုင်ပင်ဖို့မသင့်သောအရာလို့
သဘောပိုက်ပြီးနောက် ဘယ်တော့မှ မစတော့ဘဲနေလိုက်သည်မှာကျောင်းပြီး
သည်အထိ။ ကျွန်တော်တို့နှစ်ယောက် ယုံကြည်ချက် ကိုယ် စီနဲ့ပဲ
လွမ်းဆွတ်စွာ နှုတ်ဆက်ခဲ့ကြသည်။

          ဘွဲ့နှင်းသဘင်တွင် ကျွန်တော်တို့ပြန်တွေ့ကြတော့ ယခင်လို တစ်ယောက်ကို
တစ်ယောက် သံယောဇဉ်ရှိကြဆဲ။ကျွန်တော် အလုပ်အကြောင်းစပြောတော့မှ 
ကျွန်တော်တို့အယူအဆတွေမပြောင်းလဲသေးကြောင်းပိုမိုသိလာရသည်။ပြောင်းလဲလာ
တာက ကျောင်းပြီးပြီးနောက် ကျွန်တော်နှင့်သဇင် ဆက်ဆံရေး တစ်စတစ်စ ဝေးလာ
တယ်လို့ကျွန်တော်ခံစားမိသည်။ကျွန်တော်မှားသလား၊သဇင်မှားသလားဆိုတာကိုတော့
ကျွန်တော်မဝေခွဲတတ်ပါ။သဇင်အကြောင်းတွေတိုင်းကျွန်တော့်စိတ်ထဲနောက်ကျိလာ
မိသည်။ အိပ်မပျော်သော ညတွေပင် များလာသည်။

          x        x        x        x        x        x        x        x        x        x        x

          အလုပ်တာဝန်ကျပြီး ခြောက်လလောက်ကြာတော့ ကျွန်တော် ဒီမြို့လေးနဲ့
ရင်းနှီးလာသည်။ ကွန်ချောင်းရွာသို့လည်း မကြာခဏရောက်တတ်သည်။ အခုဆိုရင်
ကွန်ချောင်းမှာ လည်ပတ်စရာ ကာလသားခေါင်းဆောင်ကိုခွန်သန်းမောင်ရဲ့အိမ်၊
သူကြီးဦးခေဖာရရဲ့အိမ်နဲ့ဆရာမလေးနောင်မွန်းတို့အိမ်တွေရှိလာသည်။နောင်မွန်းတို့
အိမ်တော့ရွာရောက်တိုင်းဝင်မိသည်။သူကလည်းခင်မင်ရှာပါသည်။ ကျောင်းပိတ်ရက် 
တွေမှာပအိုဝ့်ဒေသယဉ်ကျေးမှုတွေအကြောင်းစိတ်ပါလက်ပါရှင်းပြလေ့ရှိသည်။တစ်ခါ
တစ်ရံသူတို့သနပ်ဖက်ခြံကိုသွားတဲ့အခါကျွန်တော်လိုက်သွားတတ်သည်။ထိုအခါမျိုးတွင်
သူဖွံ့ဖြိုးရေးကျောင်းတက်ပြီးရွာမှကလေးများအတွက်ဆရာမအဖြစ်ကူညီနိုင်သဖြင့်
ဝမ်းသာကြောင်း၊ရွာရဲ့ပညာရေး၊ကျန်းမာရေးအကြောင်း၊သူ့မိသားစုအကြောင်း၊
လယ်ယာစိုက်ပျိုးရေးအကြောင်းတွေ ပြောပြသည်။ကျွန်တော်လည်းအလျှင်းသင့်သလို
စိုက်ပျိုးရေးစနစ်တွေတိုးတက်ကောင်းမွန်စေချင်ကြောင်း၊တိုးချဲ့ပညာပေး(Extension)
လုပ်ရသည်မှာဘာသာစကားမတူ၍ခက်ခဲကြောင်း၊ပအိုဝ့်စကားသင်လိုကြောင်း
တမေ့တမော ပြောကြဆိုကြသည်။ကျွန်တော်သဘောအကျဆုံးဓလေ့တစ်ခုမှာ
အိမ်တစ်အိမ်ရောက်တိုင်းဘုရားကိုအရင်ဝတ်ချပြီးမှစကားပြောကြတာဖြစ်သည်။
သူကဖြေလိုက်ကျွန်တော်က  မေးလိုက်နဲ့စကားတွေ ပြောမကုန်။နောင်မွန်းနဲ့တစတစ
ပိုမိုရင်းနှီးလာသည်။သူ့အပေါ်လေးစားစိတ်၊မြတ်နိုး စိတ်လေး ပိုမိုလာမိသည်။သူကရော
ကျွန်တော်အပေါ် ဘယ်လိုပါလိမ့်ဆိုတာ တွေးတောရင်း ရင်ခုန်လာတတ်သည်။

          တစ်နေ့ ဒေသမျိုးတွေအစား အထွက်ကောင်းစပါးမျိုးတွေ လဲလှယ်စိုက်ဖို့ 
စည်းရုံးရေးသွားရင်း ကျွန်တော် နောင်မွန်းတို့အိမ်ဝင်လည်သည်။သူ့အိမ်က 
သနပ်ဖက်ခြံသွားတယ်ပြောလို့ လိုက်သွားတော့ ခုတ်ပြီးသားသနပ်ဖက်ရိုးတွေ
စီထပ်နေသည်။ သူကရေနွေးသောက်ဖို့ လှမ်းအော်သည်။ခဏနေမှသူရောက်လာ
သည်။ချွေးစို့နေသောသူမျက်နှာဝိုင်းဝိုင်းလေးကတစ်မျိုးလှနေသည်။ကျွန်တော်တမေ့
တမော   ငေးကြည့်နေမိသည်။

          “ဟေ့ အကို၊ဘာကြည့်နေတာလဲ”

          “တရေးနား” လို့ ပအိုဝ့်လို နင်လှတယ် ပြောတော့ သူရှက်ပြုံးလေးပြုံးသည်။

          “နောင်မွန်း၊ ခွေရက်ငှား လို့ပြောရင် အသံထွက်မှန်လား”

          “အကို ဒီနေ့ ဘာဖြစ်နေတာလဲ၊ဘာတွေ မေးနေတာလဲ”

          “အကို အဲဒီလို ပြောချင်လို့ နောင်မွန်း၊အကို နောင်မွန်းကို ချစ်မိပြီ။အကို့
မျက်စိထဲမှာ နောင်မွန်းက အမြဲလှနေတာပဲ”

          သူခေါင်းငုံ့သွားသည်။ကျွန်တော်အားမလိုအားမရဖြစ်ကာ သူ့လက်ဖ၀ါးနုနုလေး
ကို ဖွဖွလေး ဆုပ်ကိုင်ထားမိသည်။သူ့မျက်နှာလေးကို စေ့စေ့ကြည့်နေမိသည်။ပို၍ ပို၍ 
ချစ်လာမိသည်။

        “နောင်မွန်း၊ အကိုကို ချစ်လားဟင် အဖြေပေးလေဦး”

        “အော့…အော့” ဟု မပွင့်တပွင့်လေးပြောသည်။ကျွန်တော် သိပ်ဝမ်းသာသွားသည်။
တွေးလေတွေလေ ကြည်နူးမိတာ အမှန်ပင်။အပြန်လမ်းမှာ ကျွန်တော့်စိတ်ကား 
လှပတဲ့ကွန်ချောင်းဘေးက ရိုးသားပြီး ချစ်စရာကောင်းတဲ့ နောင်မွန်းထံပါးမှာပဲ
လွင့်ပါးကျန်ရစ်ခဲ့သည်။အတွေးတွေ မိုင်ထောင်ချီခရီးဆန့်ကြပြီး ညရောက်တော့
တော်တော်နဲ့အိပ်မပျော်။နောင်မွန်းရဲ့မျက်နှာလှလှလေးကိုပဲမြင်ယောင်နေမိတော့သည်။

          x        x        x        x        x        x        x        x        x        x       

  ကျွန်တော်အလုပ်ထဲ စ၀င်တော့ ရန်ကုန်မှာ အလုပ်ခန့်ပေးသောလူကြီးတွေက
“မင်းတို့ အခုတာဝန်ကျမည့်ဒေသတွေက အေးချမ်းကုန်ပြီ။ဒီထက်တိုင်းရင်းသားတွေ
ကရိုးသားပြီးခင်မင်စရာကောင်းတယ်။ဒေသကောင်းစားရေးအတွက်ကိုယ်တတ်ထား
တဲ့ပညာနဲ့တတ်နိုင်သလောက်ပူးပေါင်းဆောက်ရွက်ကြပါ။မင်းတို့ပျော်လာမှာပါ။”
လို့မှာကြားခဲ့တာတွေသတိရမိသည်။အခုတော့ကျွန်တော်တကယ်ပဲ ပျော်ရွင်ရသည်။
အော်…ရန်ကုန်ရုံးချုပ်ခန့်စာသွားယူတုန်းကသဇင်နဲ့နောက်ဆုံးအကြိမ်တွေ့ခဲ့ရသည်ပဲ။
သူလည်း နိုင်ငံခြား ထွက်ဖို့လိုအပ်တာတွေလာလုပ်သည်တဲ့။တစ်ယောက်အကြောင်း
တစ်ယောက်မေးရင်းဆိုင်လေးတစ်ဆိုင်မှာစကားထိုင်ပြောခဲ့ကြသည်။သူ့ဆုံးဖြတ်ချက်
ဘယ်လိုမှမပြင်နိုင်တဲ့အကြောင်းပြောရင်း

          “သဇင်တော့ သဇင်ဘ၀ တိုးတက်ဖို့ ဒီပတ်ဝန်ကျင်ထက်တိုးတက်တဲ့ဒေသကို 
သွားဖို့ လိုတယ်လေ။ ဒါမှလည်း ရေမြင့်ကြာတင့်ပြီး သဇင်ဘ၀ အခြေလှမှာပေါ့”

         ကျွန်တော်ဘက်မှလည်း မပြောင်းလဲနိုင်တဲ့ အနေအထားမို့ သဇင် နဲ့ ကျွန်တော်
 စိတ်မကောင်းစွာ လမ်းခွဲနှုတ်ဆက်ခဲ့ကြသည်။

          x        x        x        x        x        x        x        x        x        x

       ဒီလွမ်းမောဖွယ်ဇာတ်လမ်းကို နောင်မွန်းကိုအသိပေးသင့်တယ်လို့ယူဆမိသည်။
ရိုးသားတဲ့နောင်မွန်းကိုထိန်ချန်မထားချင်။ဖုံးကွယ်ထားသလိုဆိုလိပ်ပြာသန့်မှာမဟုတ်
ဘူးလေ။ တွေ့တုန်းလေးခဏ နောင်မွန်းကို  ပြောပြတော့ ကျွန်တော်ကို တစ်လှည့်
ဟိုးအဝေးကြီကိုတစ်လှည့် ငေးကြည့်ရင်း နောက်ဆုံးမျက်နှာလေးညှိုး ကျသွားသည်။
တွေတွေဝေေ၀လေးနဲ့ ။

       “ဒါဆို နောင်မွန်းက အကိုရဲ့ အချစ်ဦး မဟုတ်ဘူးပေါ့။”

ဘယ်လိုပြောရမှာလဲ နောင်မွန်းရယ်။ရင်ထဲက စကားလုံးတွေ အစီအရီထွက်ကာ

      “နောင်မွန်းရယ်…။ အကိုနောင်မွန်းကို နှစ်နှစ်ကာကာ ချစ်မိတာပါ။ဟိုအရှေ့က
မြင်နေရတဲ့ မဲနယ်တောင်တန်းကြီးလို နောင်မွန်းဘ၀မှာမားမားမတ်မတ်ရပ်တည်ပြီး၊
အဲဒီလို ခိုင်မာတဲ့ သစ္စတရားနဲ့ ချစ်ခဲ့တာပါ။အကို မညာရက်ပါဘူးကွာ။” လို့ပြောပြ
တော့မှ နောင်မွန်း မျက်နှာလှလှလေး တိမ်စင်လလို လန်းလန်းရွှင်ရွှင်ပြုံးလာတော့
သည်။

        “ကဲ… နောင်မွန်းရော အကို့ကို ဘာလို့ချစ်တာလဲ”

        သူစိတ်လေးကို ဖွင့်ဟကြည့်လိုက်သည်။

         “နောင်မွန်း အကို့ကို လေးစားခင်မင်မှုနဲ့ စပြီးချစ်မိသွားတာပါ။
ယုံလည်း။ယုံတယ်။ အကို့ကို ချစ်တဲ့အကြောင်းတွေ ပြောရရင် ရှမ်းကုန်ပြင်မြင့်
တောင်တန်းတွေလို ကုန်နိုင်ဖွယ်မရှိပါဘူး” လို့အားကျမခံ ခပ်ရွှင်ရွှင်လေး ပြန်ပြော
သည်။

        “ကဲ အဲဒါဆို တစ်ခုထဲဖြေ”

         “ဗမာလေးမို့  ချစ်တာပေါ့” လို့ဖြေပြီး  ခပ်ရှက်ရှက်နဲ့ကျွန်တော့်လက်မောင်းပေါ်
ခေါင်းမှီကာကိုယ်လေးသိမ့်သိမ့်တုန်အောင်တခစ်ခစ်ရယ်မောနေပါတော့သည်။သူ့
အဖြေထဲတွင်ကျွန်တော်တစ်ယောက် တည်းအတွက်သာမဟုတ်၊ အခြားအနှစ်သာရ
တွေပါ ပါဝင်နေသည်။ 

         ရင်ထဲမှာသိပ်ကြည်နူးသွားသည်။လှပမှိုင်းညို့တဲ့ကုန်းမြင့်လယ်ယာတွေနဲ့
သွေးချင်းတို့တောင် ယာတွေကို မျှော် ကြည့်လိုက်သည်။ ဒီရေဒီမြေကို ချစ်သည်။
တိုင်းရင်းသားတွေ အတူတူပင်။ မိမိဒေသ၊မိမိ  တိုင်းပြည်ကိုချစ်ရမှာပေါ့။ တစ်မြေ
တည်းနေတစ်ရေတည်းသောက်သူတွေကိုချစ်ခင်ရင်းနှီးကာကောင်းကျိုးဆောင်ရွက်
ပေးရမှာမဟုတ်ပါလား။ ဆရာဇော်ဂျီရေးသွားတဲ့ “သင်သေသွားသော်” ကဗျာလေး
ကို ခံစားတွေးတောမိရင်း နောင်မွန်းကို ထွေးပွေ့ကာ နှုတ်ဖျားမှ တိုးတိုးလေး
ရေရွတ်နေမိပါတော့သည်။

မောင်နေပြာ

စာမျက်နှာ(၈၉-၉၄)

နိုင်ငံ့ဂုဏ်ရည်မဂ္ဂဇင်း၊အမှတ်(၈၀)၊၂၀၀၅ဒီဇင်ဘာလ