ေတာေစ်းေန႔

ခေနာ္ခနဲ႔
ေစ်းတံခါးေလးဖြင့္လိုက္တယ္
ဆိုရင္ပဲ....
................
ဟဲ့ အဲ့ေနရာက
ငါ ဦးထားတာေနာ္....
လမ္းေပၚကို
ဗန္းႀကီး မခင္းနဲ႔ဟ....
လွည္း၀င္လာၿပီ ေဘးဖယ္...
အစ္မ. ေရ
ဘုရားပန္းေတြလတ္တယ္ေနာ္...
ည. က. ေျပတီဦးကားေအ
ငိုလိုက္ရတာ ဆိုတာကို....
ေစ်းေကာက္ဆိုတာနဲ႔
ခင္ဗ်ားတို႔ က
အစုတ္ေတြပဲ ၿဖဲရဲ ရွာေန....
ဟဲ့ ေခြး....ေအာ္...
ေစတနာရွိလို႔ ေပးတာ
တစ္ေထာင္ဖိုး သံုးထည္...
ဒီမနက္ ဘာေကာင္းလဲေဟ့....
ေဟာ့ သလို႐ိုက္ေတာင္
မကြဲတဲ့ ခြက္ေတြ....
အေႂကြမရွိဘူး အစ္မ
ငါးဆယ္ဖိုးတစ္ခုယူဦး....
မိုက္လို႔. ရြာကေနတစ္ေယာက္တည္း
ေစ်းလာေရာင္းတာကြ....
ဖိုးေသာၾကာေလးဟယ္
ခ်စ္စရာေလးပါဆို.....
အခ်င္းခ်င္းေတြကိုအစ္မရယ္
အေလးခိုးစရာလား....
ညည္းေန႔ျပန္တိုးက
လ,ျပန္တိုးျဖစ္ေနၿပီ....
ပင္မွည့္ေတြပါေနာ္
ေဆးတို႔ထားတာမဟုတ္ဘူး....
ဘာၾကားခဲ့လဲ....
အံမယ္ေလး အတုေတြပါေအ....
ရြန္းနီ ရွဴးသြားတာ
အေတာ္လွတယ္ ဆရာ....
........
လတ္လတ္ဆတ္ဆတ္ေတြေနာ္..
.................
.................
.................
ေစ်းတံခါးပိတ္လိုက္တယ္
ေခၽြးစက္ေတြက်န္ေနတုန္း။ ။

                               ဒီေန

အချစ်ဆိုတာ

အချစ် နင့်အပြင် ငါရှိ

နင် သိချင် သိချင်မယ်

ငါ တကယ်ချစ်တာ

ငါကိုယ် ငါပါပဲ။

ဘာပဲ ညာပဲ ချွဲခဲ့ဖူးတယ်။

အချစ်ဦး အချစ်ရူး ပြောခဲ့ဖူးတယ်။

နောက်ဆုံးတော့

အကြောင်း မညီလို့ လမ်းခွဲ

ဝမ်းမနည်းမိတဲ့ အပြင်

ပီပီပြင်ပြင် ပိုသိမိတယ်။

ငါတကယ်ချစ်တာ

ငါကိုယ်ငါပါပဲကွယ်။

စူး

ညီမလေးသို့ . . . .

Alexandra Bounxoueil

သစ်သီးချိုချိုတစ်လုံး

ရင်မွေ့ပန်းတစ်ခက်

ဂျင်နှစ်ပက်နဲ့

ဆောင်းညတွေရဲ့ ထွက်သက်ကို

ပြန်ပြီးအသက်သွင်းချင်တယ် ။

တပြိုင်တည်း ကြွေကျတဲ့ ရိုးသားခြင်းတွေဟာ

လေဟာနယ်မှာ ပျောက်ဆုံး

မင်းမျက်လုံး ငါ့မျက်လုံးတွေ

ပြန်တော့ ဆုံချင်ပါသေးရဲ့ ။

ဆန္ဒတစ်ခုပေါ်တစ်ခု လဲကျ

အဲဒီလို ဖရိုဖရဲ ညတွေအကြောင်း

မစဉ်စားဖြစ်ဖူးလား ညီမလေး ....။

မင်းဆံစ နဲ့ ပါးပြင်မှာ

ဘဝင်မကျတာ ရှိခဲ့ရင်

“တစ်သက်လုံး” ဆိုတဲ့ အတိုင်းအတာနဲ့

မုန်းလိုက်ပါ။

ငါဟာ

သဝေထိုး ညနေခင်းတွေနဲ့

အချိုဓာတ်သဲ့သဲ့ သစ်သီးကိုစား

နှင်းတစို့စို့ မြက်ခင်းတွေကြားက

အညတရ နှလုံးသားနဲ့ပါ  ။   ။

တိမ်မင်းလွင် (မုံရွာ)

“သက်ကယ်ကျူရိုးတို့ရဲ့ လေတိုးသံ” ကဗျာ စာအုပ်မှ

ဘဝတံခါး

သြားတိုက္ေဆး. . .နဲ႔. . .

မနက္ခင္းကို. . .ႀကိဳ . . .

မ်က္ရည္ငိုတဲ့. . .ေန႔မ်ားစြာ. . .

ခါးခါးသက္သက္

ကိုးဆယ့္ကိုး. . .ဇယားေတြထဲ

အားခဲ. . .ရွင္သန္. . .

လက္က်န္မဲ့တဲ့. . .ေန႔မ်ားစြာ. . .

အဘိဓာန္. . .လွန္လွန္ရွာ. . .

ငါ. . .

ဘာေကာင္. . .ပါလဲ. . .

(ဆိုေတာ့)

ဒါက္ရာေတြကို. . .ပတ္တီးအုပ္. . .

ေခါင္းငံု႔ၿပီးေတာ့. . .ဝင္လိုက္တယ္. . .။

                            ဒီေန

 “သက္ကယ္က်ဴရိုးတို႔ရဲ႕ ေလတိုးသံ” ကဗ်ာ စာအုပ္မွ

အညတရသူမ

ဆရာေဇာ္ဂ်ီရဲ. ေဗဒါလမ္း
ဆရာေမာင္ေခ်ာႏြယ္ရဲ. ကိုက္လမ္း
မာဂရက္သက္ခ်ာရဲ. ေဒါင္းနင္းလမ္းႏွစ္ေတြ...
သူမ နကန္းတစ္လံုးမွ် မသိ
၃၃-လမ္း
၃၄-လမ္း
၃၈-လမ္း
၃၉-လမ္း ...........
--------
လမ္းေတြလို သူမအေၾကာင္း
တခုတ္တရ ေရးမယ့္သူလည္း မရွိ
သူမဟာ အညာျမိဳ.ေလးတစ္ျမိဳ.က အညတရေစ်းလမ္းေလး...
အညတရေစ်းလမ္းေလးဟာ
ေက်းငွက္ေတြထက္ ေစာေစာႏိုးတတ္တယ္
သူမပတ္၀န္းက်င္မွာ စုတ္တံနဲ. ခပ္ၾကမ္းၾကမ္းျခစ္ထားသလို
ကုန္စံုဆိုင္တခ်ိဳ. လၻက္ရည္ဆိုင္တခ်ိဳ.နဲ. ထမင္းဆိုင္တခ်ိဳ.
 မိုးတိုးမတ္တပ္ က်ိဴးတိုးက်ဲတဲ...
ေဘးတစ္ဖက္တစ္ခ်က္စီမွာေတာ့ မိုးေသာက္္္တာနဲ.
ပ်ံက်ေစ်းဆိုင္ကေလးေတြ ၀မ္းစာတိုက္ပြဲဆင္ႏႊဲဖို.
အလွ်ိဳအလွ်ိဳ ၀န္းရံေနရာယူထားျပီး ျဖစ္ေနတတ္တယ္
သူမဟာေဖာ္ေရြတတ္သူတစ္ေယာက္ျဖစ္ေတာ့
တစ္ရက္္္စာေမွ်ာ္လင့္ခ်က္ေတြရြက္လာတဲ့ ေတာသူေတြ
အေမာေတြထမ္းလာတဲ့ ေက်ာမြဲမြဲေတြ
၀မ္းစာကို မႏိုင္မနင္း တင္နင္းလာတဲ့ ဆိုက္ကားဆရာေတြ
လက္တြန္းလွည္းကို ေခၽြးျပိဳက္ျပိဳက္က်ေအာင္တြန္းၿပီး
ဘ၀ပါေဖာမင့္ျပတတ္တဲ့ တြန္းလွည္းဆရာေတြနဲ.
မိတ္ေဆြရင္းခ်ာေတြ ျဖစ္ေနတယ္
ေတာၾကိဳက္သီခ်င္းေတြ က်ယ္က်ယ္ေလာင္ေလာင္ဖြင့္ျပေလ့ရွိတဲ့
လက္တြန္းလွည္းနဲ. ထီသည္ဦးေလးႀကီး
ေပါက္ကြဲသံစဥ္ေတြ စက္ဘီးေပၚ ေခၚတင္လာေလ့ရွိတဲ့
ႏို.ေအးေခ်ာင္းသည္ ေကာင္ကေလးရယ္၊ ေနာက္...
ဘာအေရးၾကီးလို. အေရးၾကီးမွန္းမသိ
လူရွဳပ္ရွဳပ္ထဲ ဆိုင္ကယ္ကမူးရွဴးထိုးစီးတတ္သူေတြနဲ.လည္း
သူမ အကၽြမ္းတ၀င္ျဖစ္ေနတတ္တယ္
သူမဟာ စာနာစိတ္ အျပည့္ရွိသူတစ္ဦးျဖစ္တယ္
ေန႔စဥ္မရိုးႏိုင္တဲ့ျမင္ကြင္းေတြျဖစ္တဲ့
အေရာင္ျပယ္လြင့္ေနတဲ့ ယိုင္နဲ.နဲ.ထီးေတြေအာက္က
ပ်ံက်ေစ်းသည္ေတြရဲ. ယိုင္နဲ.နဲ.အေျခအေနကို သူမ စာနာတယ္
ပ်ာေလာင္ခတ္ေနတဲ့ ေစ်း၀ယ္သူေတြရဲ႕
ပ်ာေလာင္ခတ္ေနတဲ့ဘ၀ေတြကို သူမ စာနာတယ္
ေစ်းေပါင္က်ိဳးခ်ိန္ ေန႔ျပန္တိုးျပန္ဆပ္ႏိုင္မလား ေတြးပူေနသူေတြ
၀ယ္သူကိုေမွ်ာ္ရင္း ညိွဳးညိွဳးလာတဲ့ ေတာပန္းကေလးေတြကို
သူမ ကိုယ္ခ်င္းစာတယ္
ဒါေပမယ့္ ... သူမ...သူမ...
လက္ပိုက္ၾကည့္ေနရံုပဲ တတ္ႏိုင္တယ္
သူမကိုယ္တိုင္ေတာင္ ဒဏ္ရာေတြ ပရပြနဲ.မဟုတ္လား။ ။

ေဆးခါး

20.2.2011 ( TDGI)

ေကြ႔ေခ်ာင္းခံတပ္

ရႈမၿငီးတဲ့ ဧရာဝတီျမစ္ျပင္က်ယ္ကို

အေပၚစီးကေန မမွိတ္မသုန္ေငးစိုက္ၾကည့္ရင္း

တစ္ခ်ိန္က သင့္ရဲ႕မ်က္လံုးေတြ

မီးဝင္းဝင္းေတာက္ေနခဲ့မွာေပါ့

အံႀကိတ္ရလြန္းလို႔ သင့္ရဲ႕ေမးေၾကာေတြလည္း

ျမစ္ကမ္းပါးယံနဲ႔အတူ ခံုးထေနခဲ့လိမ့္မယ္

သင့္ရဲ႕အသက္ရႈသံျပင္းျပင္းေၾကာင့္

ဧရာဝတီျမစ္ျပင္လည္း ထိန္လန္႔တုန္လႈပ္ေနခဲ့လိမ့္မယ္

ကိုယ္ေျမ ကိုယ္ေရ ကိုယ္ဘိုးေဘးစဥ္ဆက္

အသက္ေသြးေခြၽးေတြနဲ႔ တည္ေဆာက္ခဲ့တဲ့ႏိုင္ငံေတာ္ကို

က်ဳးေက်ာ္ထိပါးလာသူေတြလက္က ကာကြယ္ဖို႔

သင့္ရဲ႕ေသြးေတြလည္း က်ဳိက္က်ဳိက္ဆူေနခဲ့မွာပါ

က်ဳးေက်ာ္ေစာ္ကားသူေတြကို သရဲစီးသလို

ဂုတ္ခ်ဳိးဝါးၿမိဳစားေသာက္ပစ္ဖို႔ တေစၧတစ္ေကာင္လို

သင္ ကုိုယ္ေဖ်ာက္ေနႏိုုင္ခဲ့တယ္

နယ္ခ်ဲ႕မိစၧာေတြကို ဧရာဝတီအခ်မ္းေပးဖို႔

သင္ အသင့္ျဖစ္ခဲ့တယ္

ေနမဝင္အင္ပါယာက နယ္ခ်ဲ႕ပရင္ဒါဂတ္ရဲ႕

ေထာင္လႊားေမာက္မာေသြးဆူေနတဲ့ ေရတပ္မေတာ္ကို

တစ္စစီျဖစ္ေအာင္ သင္ဦးခ်ဳိးျပခဲ့တယ္

သင့္ရဲ႕ခႏၶာကိုယ္ကို မိစၧာနယ္ခ်ဲ႕ေတြရဲ႕

ေသြးညွီီနံေတြနဲ႔ လိမ္က်ံပစ္ခဲ့တယ္

သမိုင္းမွာ သင့္ရဲ႕ေနာင္ေတာ္

မင္းလွခံတပ္ေလာက္ မထင္ရွားေပမယ့္

ျမန္မာ့သတိၱ ေစြးေစြးနီေၾကာင္း

ျမန္မာ့ေသနဂၤဗ်ဴဟာ အဆင့္ျမင့္ေၾကာင္း

ကမၻာ သိေအာင္ သင္ျပသခဲ့တယ္

သမိုင္းေပးတာဝန္ကို ငံု႔မခံတတ္တဲ့ ဇာတိမာန္နဲ႔ထမ္းခဲ့

သင့္ရဲ႕အမည္နာမကို က်ဳိက္က်ဳိက္ဆူတဲ့ေသြးနဲ႔ ေရးထြင္းျပခဲ့တယ္

ခုေတာ့ ….ဘယ္လိုအလြမ္းေတြနဲ႔မ်ား

တိတ္ဆိတ္ေျခာက္ကပ္ မည္းေမွာင္ေနတဲ့ ကမ္းပါးယံေပါက္ေတြကေန

ဧရာဝတီကို

သင္တစ္ေယာက္တည္း ေခ်ာင္းၾကည့္ေနရတာလဲ။

ေဆးခါး

အမွတ္(၁၃) ေမ ၂၀၁၃ ရယ္စရာ

မိခင္သင္ၾကားေသာ ေမတၱာတရား

ငယ္စဥ္ေတာင္ေက်း ကေလးဘဝတုန္းက

“အေမ”လို႔ အားရပါးရ ေအာ္ၿပီး

အေမ့ကို ေျပးေျပးဖက္ခဲ့ဖူးတယ္

အဲဒီလို အခ်ိန္တိုင္းမွာ

ေႏြးေထြးလံုၿခံဳမႈေတြ ခံစားခဲ့ရတယ္

အေတာင္အလက္စံုလို႔ သိုက္ၿမံဳကိုစြန္႔ခြာပ်ံသန္း

ဘဝလမ္းၾကမ္းကို ျဖတ္သန္းခ်ိန္ေတြမွာလည္း

အေမ့ကို သတိတရနဲ႔

“အေမ”ဆိုတဲ့ အက ၡရာစာလံုးေလးေတြကို

စိတ္ထဲကေန တဖြဖြရြတ္ၾကည့္ေတာ့

ေႏြးေထြးမႈေတြ တစိမ့္စိမ့္

ရင္ထဲတိုးဝင္လာသလို ခံစားရတယ္

ႏႈတ္ဖ်ားကေန အသံထြက္ရြတ္ရုံ

တစ္လံုးခ်င္း. . . .

ျဖည္းျဖည္းခ်င္း ရြတ္ၾကည့္ေတာ့လည္း

ေႏြးေထြးမႈအရသာကို တၿငိမ့္ၿငိမ့္ခံစားရၿမဲ

ေမတၱာတရား ဆိုတာ ဘာလဲ . . .?????

ခံစားလို႔ရသေလာက္ အဓိပ ၸာယ္ဖြင့္ၾကည္မိတယ္

ေမတၱာတရား ဆိုတာ အဲဒီလို

ေႏြးေထြးၾကင္နာမႈ ေပးႏိုင္တဲ့ အရာပဲျဖစ္လိမ့္မယ္။

ေဆးခါး

16-12-2012 (MDY)

142 Idea April 2013