Alexandra Bounxoueil
သစ်သီးချိုချိုတစ်လုံး
ရင်မွေ့ပန်းတစ်ခက်
ဂျင်နှစ်ပက်နဲ့
ဆောင်းညတွေရဲ့ ထွက်သက်ကို
ပြန်ပြီးအသက်သွင်းချင်တယ် ။
တပြိုင်တည်း ကြွေကျတဲ့ ရိုးသားခြင်းတွေဟာ
လေဟာနယ်မှာ ပျောက်ဆုံး
မင်းမျက်လုံး ငါ့မျက်လုံးတွေ
ပြန်တော့ ဆုံချင်ပါသေးရဲ့ ။
ဆန္ဒတစ်ခုပေါ်တစ်ခု လဲကျ
အဲဒီလို ဖရိုဖရဲ ညတွေအကြောင်း
မစဉ်စားဖြစ်ဖူးလား ညီမလေး ....။
မင်းဆံစ နဲ့ ပါးပြင်မှာ
ဘဝင်မကျတာ ရှိခဲ့ရင်
“တစ်သက်လုံး” ဆိုတဲ့ အတိုင်းအတာနဲ့
မုန်းလိုက်ပါ။
ငါဟာ
သဝေထိုး ညနေခင်းတွေနဲ့
အချိုဓာတ်သဲ့သဲ့ သစ်သီးကိုစား
နှင်းတစို့စို့ မြက်ခင်းတွေကြားက
အညတရ နှလုံးသားနဲ့ပါ ။ ။
တိမ်မင်းလွင် (မုံရွာ)
“သက်ကယ်ကျူရိုးတို့ရဲ့ လေတိုးသံ” ကဗျာ စာအုပ်မှ
