ဝါကျတစ်ကြောင်းရဲ့ ခရမ်းရောင်(၃)

ရွာပြီဆိုကတည်းက မိုးမှန်းသိတဲ့ကောင်ပါ
မြစ်လို ပင်လယ်လို စီးဆင်းမပေးနိုင်ခဲ့တာက လွဲလို့

အဓိပတိလမ်း ရေတံမာတန်းမှာ
ချစ်သူတွေရဲ့ မဟာအနမ်းလည်း ရှိဦးမယ်

ရေနံ့သာမလေး အဆောင်ဘေးမှာ
ကြွေချင်တဲ့ကြယ် တေးလည်း ရှိဦးမယ်

နှစ်ဆယ့်လေးနာရီ အဆောင်မှူးမှာ
ကော်ပီမကူးရတဲ့ လက်မှတ်တွေလည်း ရှိဦးမယ်

စာသင်ခန်းနောက်ဆုံးတန်းမှာ
ပင်ပန်းလို့ကို မ၀နိုင်တဲ့သူတွေလည်း ရှိဦးမယ်

ညစာစားပွဲနံရံကပ်မှာ
မောင်နေပြာရဲ့အန်ဖတ်တွေလည်း ရှိဦးမယ်

ရှုထောင့်ကဖီး ကိုထွန်းမောင်မှာ
အိမ်တဆောင်မီးတပြောင် အပေါင်လက်မှတ်တွေလည်း ရှိဦးမယ်

န၀င်းသူအဆောင်ဝမှာ
တောင်စဉ်ရေမရ တန်းစီနေကြသူတွေလည်း ရှိဦးမယ်

ကောက်ညှင်းနွေး နံနက်ခင်းမှာ
အထွက်ကျဆင်းမဲ့ လယ်ကွက်တွေလည်း ရှိဦးမယ်

အခန်းနံပါတ်သုံးဆယ့်ခြောက်မှာ
ဟိုးတုန်းက မီးတောက်တွေလည်း ရှိဦးမယ်

ရွာပြီဆိုကတည်းက မိုးမှန်းသိတဲ့ကောင်ပါ
ခရေလို စပယ်လို ပွင့်မပေးနိုင်ခဲ့တာက လွဲလို့

အက္ခရာနဲ့ နှိုး
ခေါင်းလောင်းကိုတော့
ထိုး ခဲ့တယ်။ ။

သုသစ်

မာန

အတ္တတွေကင်း မာနရှင်းတဲ့
ပန်းလေးတစ်ပွင့် ဖြစ်ချင်တယ်
ကာလဒေသ ပယောဂကြောင့်
ဖူးပွင့်ဝေသီ မာန်ထည်ထည်နှင့်
ဆူးပတ်လည်ဆီ ရဲရဲနီတဲ့
နှင်းဆီနီထွေး ဖြစ်ခဲ့တယ်။

နှင်းဆီဖြစ်ပြန် နှင်းဆီမာန်ကြောင့်
ဧည့်ခံစားပွဲ ပွဲလည်ထဲမှာ
ဂုဏ်မာန်ကဲ့သို့ ၀င့်ထည်ထည်
တောက်ပရောင်သွေး သူ့ဂုဏ်ရေးကြောင့်
လူတို့တန်ဖိုးထားကြတယ်။

သို့ပေမဲ့လေ
ထိုနှင်းဆီလေး ပန်းနီသွေးကို
မေတ္တာလက်ဆောင် ချစ်သူပေးလို့
ကွေးကွင်းမှာ တို့ကြောက်တယ်။

                                 လွင်မာ

လျှော့

လျှော့
ကျစ်ကျစ်ပါအောင်ဆုပ်ထားတဲ့လက်သီးတွေကို
လျှော့
သွေးဆိုးသွေးညစ်တွေကို
လျှော့
ပန်းပုထုသလို မလိုအပ်တဲ့အရာတွေကို
လျှော့
ဘေးထွက်ဆိုးကျိုးများမယ့်အရာတွေကို

လျှော့
မလျှော့ရင် ရှော့(ခ်)ရှိတဲ့အရာတွေကို
လျှော့
ပိုကောင်းတဲ့မနက်ဖြန်အတွက်
လျှော့သင့်တဲ့အရာတွေကို
(နှလုံးကြီးကြီးနဲ.)
လျှော့
လျှော့
လျှော့။ ။

ဆေးခါး
14.4.2012

နောက်ထပ် ဘာပြကွက်လာမလဲ?

ကမ္ဘာကြီး မောင်ပစ္စက ဖြစ်သွားပြီ
No boy no joy တဲ့
တစ်ယောက်နဲ့တစ်ယောက်ချစ်တာ

အချစ်မပါတော့ဘူးတဲ့
Arab Spring တဲ့A
အလင်းအလျှင်လည်း ပထမနေရာက
ဖယ်ပေးလိုက်ရပြီတဲ့
All Inclusive တဲ့
ထာဝရ အကျိုးစီးပွားတဲ့
Post Poetry တဲ့
တစ်ခါသုံး လူ့အဖွဲ့အစည်းတဲ့
...............................
သဘောင်္ပျက် ပျဉ်ချပ်ပေါ်က
ကြက်တူရွှေးလို
မျက်လှည့်ဆရာရဲ့ နောက်ထပ်ပြကွက်ကို
စိတ်ဝင်တစား စောင့်စားနေမိတယ်။ ။

ဆေးခါး

8.3.2012