(၁)
ထိုနေ့က ဘာနေ့မှန်း မသိပါ။ဂွာတီမာလာနိုင်ငံရဲ့
အမျိုးသားနေ့ ဖြစ်နိုင်သလို ကော့စကာရီကို နိုင်ငံရဲ့ လွတ်လပ်ရေးနေ့လည်း
ဖြစ်နိုင်သည်။ကျွန်တော့်အဖို့မှာ စိတ်ဝင်စားစရာ မရှိပါ။ကုန်ကုန်ပြောရရင်
ထိုနေ့က မိုးရွာသလား၊နေပူသလား မသိပါ။ဘာလို့လည်းဆိုတော့
ကျွန်တော့်အိပ်ခန်းထဲမှ ဘယ်မှမသွားဘဲ online ပေါ်မှာတင် Internet surfing
လုပ်နေလို့ပါ။Myanmar-Network မှာတင်ထားသော အင်္ဂလိပ်စာ အရေးအသား
တိုးတက်စေရေးနှင့်ပက်သက်သော Post တစ်ခုကို ဖတ်နေခဲ့ မိသည်။ Facebook
ကိုတော့ ဖွင့်ထားခဲ့မိသည်။ “မင်္ဂလာပါ”ဟူသောနှုတ်ဆက်စကားကိုတွေ့မိကာ
အမှုမဲ့အမှတ်မဲ့ အဲဒီမင်္ဂလာပါဆိုသောစာသားကို copyလုပ်
ပြီးသူ့အကောင့်မှာpaste လုပ်လိုက်မိသည်။ ဒုတိယ Message
ဝင်လာသည်။ကျွန်မနာမည် “ပြုံး” ပါတဲ့။ ဒါဟာတိုက်ဆိုင်မှုလား။ကံကြမ္မာရဲ့
ကျီစယ်မှု တစ်ခုလား။ဖတ်လက်စ ဆောင်းပါးကို ရပ်ကာ အဲဒီ “ပြုံး”ဆိုသော
အကောင့်နှင့် ချက်နေမိသည်။
×××-----×××-----×××-----×××-----×××-----
(၂)
“ပြုံး”တဲ့ဒီနာမည်ကမေ့နိုင်စရာနာမည်လေးတစ်ခုတော့မဟုတ်ပါ။ “စမိုင်းလ်” နှင့်
“ပြုံး”သည် ဘာထူးခြားသလဲ။အထူးသဖြင့်ကျွန်တော် အတွက်ပေါ့။“ပြုံး”တွေ
ဘယ်နှစ်ယောက်များကျွန်တော်နဲ့ ဆက်စပ်ပတ်သက်ခဲ့ပါလဲ။ ကြာခဲ့ပြီ။လွန်ခဲ့သော
ဆယ်စုနှစ်တစ်ခုဆီ၊တိတိကျကျပြောရရင် ၁၉၉၆ခုနှစ်နိုဝင်ဘာလ
(၂၄)ရက်နေ့၊ငယ်ရွယ်တက်ကြွသေးသော
ကျွန်တော့်ဘ၀ရဲ့ပထမနေ့ရက်များ၊ ကျွန်တော်ကအဲဒီတုန်းက
အစိမ်းရောင်ကျေးလက်တက္ကသိုလ်မှာ၊ ကျွန်တော်ရဲ့တက္ကသိုလ်အဆောင်ဆီသို့
လှပ၀ိုင်းစက်တဲ့လက်ရေးတွေနဲ့ “ကိုကောင်းထက်၊ အခန်း(၃၀)-------------”
တဲ့။ အဲဒီတုန်းက အစိတ်တန်လေယာဉ်စာအုပ်ရဲ့ နောက်ကျောဘက်မှာ
“စမိုင်းလ်၊အလယ်ရပ်-----------”
ရေးထားတဲ့စာလေ၊ကျွန်တော့်ရင်ကိုနွေးသွားစေခဲ့တယ်။
စာထဲမှာရေးထားတာက “ကိုကောင်းထက်---------------ကျွန်မက၁၉၉၆မှဆယ်တန်းအောင်တာပါ။
အခုတော့ကလေးတွေကို စာသင်ပြရင်း၊Karateသင်တန်းတက်နေပါတယ်--------ခင်တဲ့
စမိုင်းလ်”တဲ့။ဒါ “စမိုင်းလ်”
ရဲ့ပထမဆုံးပြန်စာပါ၊အဲဒီနောက်တစ်စောင်ပြီးတစ်စောင်သူကရေးလိုက် ကိုယ်ကရေးလိုက်
နဲ့ တစ်ပတ်ကို
တစ်စောင်နှုန်းစာတွေရေးဖြစ်တယ်။အစိမ်းရောင်တက္ကသိုလ်လေးမှာနေရင်း
ဝေးလံခေါင်သီလှတဲ့အရပ်က “စမိုင်းလ်” ရဲ့စာကို မျှော်နေမိတယ်။ နောက်တော့
သူကKarateသင်တန်းမှာ ခါးပတ်နက်ရသတဲ့။စာဖတ်ဝါသနာပါတဲ့ ကျွန်တော်လည်း
စာဖတ်ဝါသနာပါကြောင်းပြောရင်း တစ်ယောက် နှင့် တစ်ယောက်မမြင်ဖူးကြပေမယ့်
တစ်စတစ်စရင်းနှီးလာကြတယ်။
“သွန်းလက်”ဆိုတဲ့စာအုပ်ကိုသူငယ်ချင်းတွေက စုထုတ်တော့
“ငှက်ကလေးရဲ့သစ်ပင်”ဆိုတဲ့ စာတစ်ပုဒ်
ဝင်ရေးရင်းကလောင်နာမည်လေးတစ်ခုခံခဲ့မိသည်။အဲဒီကလောင်နာမည်ကို“စမိုင်းလ်”
တစ်ခါမှမခေါ်ခဲ့ပါဘူး။ အစဉ်တစိုက် ကိုကောင်းထက် ဆိုတဲ့အမည်ကိုသာ
နှစ်နှစ်ခြိုက်ခြိုက်ခေါ်ခဲ့ပါတယ်။
သူ့ရဲ့“စမိုင်းလ်” ဆိုတဲ့နာမည်အကြောင်းမေးကြည့်မိရင်း
သိလာရတာက သူ့ရဲ့နာမည်ကSmileလို့
အင်္ဂလိပ်လိုပေါင်းတယ်တဲ့။မြန်မာစာလုံးနဲ့ရေးတော့ “စမိုင်း(လ်)” တဲ့။
“စမိုင်းလ်” ဆိုတဲ့ သူတို့ဘာသာစကားနဲ့
ပြုံးလို့အဓိပ္ပယ်ရတယ်တဲ့။Smileလို့ရေးရေး၊“စမိုင်းလ်”
လို့ရေးရေး၊“ပြုံး”လို့မြန်မာလိုရေးရေးလှနေတာပါပဲ။ “စမိုင်းလ်”
ရဲ့ရှေ့မှာသူ့ရဲ့တိုင်းရင်းသားအမည်ရှေ့စာလုံးပါသေးသည်။ဒါကြောင့်မို့
သူ့နာမည်က
ဘယ်လိုခေါ်ခေါ်သိပ်လှပြီးအဓိပ္ပာယ်လေးနက်လှတယ်လို့ကျွန်တော်ထင်မိသည်။ကျွန်တော်က
“စမိုင်း(လ်)” လို့ခေါ်ခဲ့မိတယ်။ စကားလုံးတွေကတစ်ဆင့်
ကျွန်တော်တို့ရင်းနှီးမှုတွေ အရောင်ရင့်လာခဲ့ရသည်။ကျွန်တော်ဒုတိယနှစ်မှာ သူ
E-majorတက်ခဲ့တယ်။ သိပ်လှတဲ့အမည်နဲ့အတူ“စမိုင်း(လ်)” ဆိုတဲ့ နာမည် နဲ့
လိုက်အောင်ပါးချိုင့်လေးနဲ့သိပ်လှတဲ့ကောင်မလေးတစ်ယောက် သူ့တက္ကသိုလ်မှာ
Major Queen ရော တိုင်းရင်းသား Queen ပါရတယ်တဲ့။
စာကြိုးစား၊ရိုးသားပြီးချစ်စရာကောင်းတဲ့ စမိုင်း(လ်) တစ်ယောက်
ကျောင်းမှာဘယ်လောက်စန်းပွင့်မလဲဆိုတာကျွန်တော်တွေးပြီး(ဘာမဆိုင်ညာမဆိုင်)စိတ်ပူနေမိတယ်။
သူကတော့
သဘောတွေကျလို့။ပျော်ရွှင်လို့။သူ့ကြိုးစားအားထုတ်မှုအလိုက်သူဘာသာရပ်မှာထူးချွန်လို့်
မန္တလေး တက္ကသိုလ်ကြီးဆီကို ကျွန်တော်တတိယနှစ်မပြီးခင်သူပြောင်းရွှေ့ပြီး
ဂုဏ်ထူးတန်းတက်ရပါသည်။
စာတွေကတော့အရေးမပျက်ဘူးပေါ့။တစ်ယောက်နဲ့တစ်ယောက်ခင်မင်မှုကတော့
နားလည်မှုရေဆူမှတ်အထိ ရောက်လုနေပါပြီ။
သူကသိပ်ယဉ်ကျေးသိမ်မွေ့လှပြီးရိုးသားသည်။သူ့အကြောင်းတွေကိုရင်းရင်းနှီးနှီး
ရင်ဖွင့်သည်။
ကျွန်တော်လည်းအတူတူ။ကျောင်းမှာသူငယ်ချင်းဘယ်နှစ်ယောက်ရှိတယ်ကအစဘယ်ဆရာ၊ဆရာမကို
အချစ်ဆုံးဆိုတာအဆုံးပြောမိကြသည်။နွေးထွေးတဲ့သူရဲ့ခင်မင်မှုကြောင့်
ကျွန်တော်တက္ကသိုလ်မှာအဖော်မရှာ မိပါဘူး။သုံးနှစ်တာကာလကိုလွန်တော
့ကျွန်တော်တို့စာတွေ ရေးကြတာအပြင် တယ်လီဖုန်းနဲ့စကားပြောဖြစ်ကြ
သည်။ကျွန်တော်စာမေးပွဲရက်တွေဆို သူက အလေးထားပြီး
တယ်လီဖုန်းဆက်တာကိုသိပ်ကျေးဇူးတင်မိသည်။ ဖုန်းတွေက အဲဒီတုန်းက
မလွယ်သေး၊ကျောင်းပိတ်ရက်တွေမှာသူ့ဆီကျွန်တော်ဖုန်းဆက်လေ့ရှိသည်။စာတွေ
မျှော်တာက တစ်ဆင့် ဖုန်းသံလေးတွေကြားချင်လာကြသည်။ သူတို့
တိုင်းရင်းသားဘာသာစကားနဲ့ ဆိုရင်
“အိုးလုပ်သောမြို့”လို့အဓိပ္ပာယ်ရတဲ့မြို့လေးမှာသိပ်နေထိုင်လို့ကောင်းမှာပဲလို့ကျွန်တော်အတွေးရောက်မိသည်။
ကျွန်တော်က စာမကြိုးစားပေမဲ့ ၊စာတော်တဲ့သူ ကတော့
မဟာဝိဇ္ဇာအရည်အချင်းရှိလို့တက်ခွင့်
ရတယ်လေ။ကျွန်တော်ပျော်လိုက်တာ။ကျွန်တော်က စာတွေရေး၊ ကဗျာတွေရေး
နဲ့အစိမ်းရောင်တက္ကသိုလ် မှာပဲပျော်မွေ့နေခဲ့သည်။ဒါနဲ့သူက ရန်ကုန်ကို
ကျောင်းတက်ဖို့ရွှေ့ခါနီးမှာ ကျွန်တော်က တက္ကသိုလ်ပြီးဆုံးလို့
သူငယ်ချင်းတစ်ယောက်ရေးတဲ့ကဗျာထဲကလို “ကံကြမ္မာပစ်ချမည့် လောကမုန်တိုင်းအလယ်”
သို့ထွက်ခွာ ခဲ့ရသည်။တစ်ချိန်ကသူက
ဧရာဝတီမြစ်ဘေးကမြို့ကလေးမှာနေတော့ကျွန်တော်ကအစိမ်းရောင်တက္ကသိုလ် နဲ့
ကျွန်တော်နေတဲ့ မြေလတ်မြို့မှာ၊အခုသူက
ရန်ကုန်ရောက်တော့ကျွန်တော်ကအရှေ့ဘက်ကုန်းမြင့်တွေဆီ ခရီးဆန့်ခဲ့ရသည်။
သူကကျွန်တော့်ရဲ့မြေလတ်မြို့ဆီကိုတိုးဝင်ဖို့ကြိုးစားခဲ့သည်။ကျွန်တော်ကလည်းသူ့ရဲ့
ဧရာဝတီဘေးကမြို့လေးကိုနမ်းရှိုက်ဖို့ကြိုးစားခဲ့ပါသေးသည်။သို့သော်
ကံတရားရဲ့စေစားချက်အတိုင်း ကျွန်တော်တို့ ဝေးနေဆဲပါ။ရင်ထဲမှာတော
့နီးလွန်းလျှက်၊ သူဟာကျွန်တော့်ရဲ့စိုးပိုင်ရှင်၊ အရိပ်လေး
လိုဖြစ်မှန်းမသိဖြစ်လာခဲ့ တော့သည်။
ကျွန်တော်သူ့ဓာတ်ပုံလေးကိုရတော့
ကျွန်တော်ထင်ထားတာထက်လှပချောမောနေသောသူ့ကို
အားနာမိသည်။အလှနတ်သမီးလေးတစ်ပါးလို ကျွန်တော့်စိတ်ထဲမှာထင်မြင်မိသည်။
အပျော်တွေကျွန်တော့်ရင်ထဲမှာ တိုးဝင်လာတော့သည်။
ခင်မင်မှုကနေသံယောဇဉ်တွယ်တာမိသည်။တွယ်တာမှုကနေမြတ်နိုးမှုထိရောက်လာတော့သည်။
အဲဒီမြတ်နိုးတာတဲ့အရာတစ်ခုကို
ရယူပိုင်ဆိုင်လိုသည်မှာလူ့သဘာဝပင်မဟုတ်ပါလား။ကျွန်တော်တို့၏ချစ်ခင်
တွယ်တာမှုတွေမြစ်ဖျားခံစီးဆင်းခဲ့တာမိုို့ ထာဝရတည်တံ့နိုင်ကြသည်
မဟုတ်ပါလား။အရှေ့ဘက် ကုန်ပြင်မြင့်မှာ မိုးနှင်းတွေကျလိုက်တာ
မှုန်ပျပျလေးနဲ့ ချစ်စရာကောင်းလှသည်။လွမ်းစရာကောင်းတဲ့ အဲဒီ မြို့လေးမှာ
မိုးနှင်းတွေကျတာ နှစ်ခါကြုံခဲ့ပြီးနောက်၊ကျွန်တော် အပူပိုင်းဒေသတစ်ခုကို
ရောက်သွား ပြန်သည်။ အခြေအနေအရ အနည်းငယ်တည်ငြိမ်လာတဲ့ ကျွန်တော့်ဘ၀ကို
သာယာချမ်းမြေ့စရာ မိသားစုဘ၀အဖြစ် ပြောင်းလဲချင်လှပြီ။
ဒီလိုနဲ့ သူရဲ့အငွေ့အသက်ရှိရာ ကျွန်တော်
ချဉ်းကပ်လာခဲ့မိသည်။ “စမိုင်းလ်”နာမည်လေးနဲ့တင် ချစ်စရာကောင်းနေပြီထင်တဲ့
သူဘ၀ထဲကို တိုးဝင်ဖို့ကြိုးစားခဲ့သည်။မျှော်လင့်ချက်တွေနဲ့
ခြေလှမ်းလှမ်းမိသည်။ ရန်ကုန်ရဲ့ “Smile Bakery” ဆိုင်လေးသည် ကျွန်တော် နဲ့
“စမိုင်းလ်” အတွက် မေ့နိုင်စရာ မရှိတော့ပါ။ မိုးပြာရောင်အင်္ကျ
ီ၊ကချင်ပုဆိုး ၀တ်ဆင်ထားတဲ့ ကျွန်တော် နှင့်
ပြာလဲ့လဲ့တိုင်းရင်းသားဝတ်စုံလေး နဲ့ စမိုင်းလ် တို့သည် အဲဒီအချိန်က “Smile
Bakery” ရဲ့အခန်းထဲမှာ တောက်ပနေပါလိမ့်မယ်။ကျွန်တော်တို့ စကားတွေ
အများကြီး ပြောဖြစ်ခဲ့ကြသည်။၁နာရီ၊၂နာရီ၊၃နာရီ------အို
နာရီပေါင်းများစွာ။သူတို့ တက္ကသိုလ်၊စာကြည့်တိုက်၊ ကင်တင်းတွေ နေရာအနှံ့
ကျွန်တော်တို့ အတူတူသွားခဲ့ကြသည်။သန့်ရှင်းသပ်ရပ်ကျော့ရှင်းသလောက်
အသန့်အရှင်းကြိုက်တဲ့သူ့ကို ကျွန်တော်
ပိုမိုတန်ဖိုးထားမိသည်။ဆယ်စုနှစ်တစ်ခု တည်ဆောက်ခဲ့ရတဲ့ ကျွန်တော့်
မေတ္တာအိမ်လေးကို ကျွန်တော်တို့ ပနှက်ရိုက်ခဲ့ကြသည်။ငြိမ်းဆင်ခဲ့ကြသည်။
ကျွန်တော့်ဘ၀ရဲ့ အပျော်ဆုံးအချိန်တွေကို အခုနေပြန်တွေး
အခုလွမ်းတမ်းတရသည်။ရှင်လိင်ပြန်သော နေ့ကို မမှတ်မိတော့ပါ။သူကြိုက်တာတွေ
လိုက်ကြိုက်ရတာ၊သူအပြောတွေ နားထောင်ရတာကို ကျွန်တော်ဘ၀ အတွက်
အဓိပ္ပာယ်ပြည့်စုံနေသည်။တစ်သက်လုံးသောက်ခဲ့သော စီးကရက်ကိုတောင်
အဲဒီကာလတွေမှာ ကျွန်တော် ဥပက္ခာပြုနိုင်ခဲ့သည်။Shopping Mall
တွေအနှံ့၊Coffee Shop တွေအနှံ့ တစ်နေ့မှာ ၂၄ နာရီရတာကိုပင် နည်းတယ်
ထင်သည်။သူနေတာက သူဇာတိမြို့လေးလို “အိုးလုပ်သော မြို့”တဲ့။ဘယ်လောက်
တိုက်ဆိုင်လှပပါသလဲ။ “ကမာ” ဆိုတာ မွန်လို “အိုး”၊ “ရွတ်” ဆိုတာ
“ပြုလုပ်တာ”ပါတဲ့။ “လှည်းတန်း” ရဲ့ညနေ တွေသည်
အမြဲချိုလွင်တောက်ပနေခဲ့သည်။အဲဒီတုန်းက လှည်းတန်းကို မွန်းကြပ်တယ်လို့
မခံစားမိပါ။ ဘယ်တုန်းကမှ မနှစ်သက်ခဲ့သော မဟာရန်ကုန်သည် သူ့အချိုးကို
ပြောင်းထားသလို ကျွန်တော် မျက်စိထဲ မြင်မြင်သမျှ လှနေခဲ့သည်။လူတိုင်းမှာ
အစွဲအလမ်းတစ်ခုစီတော့ ရှိကြသည်။ကျွန်တော်က ယဉ်ကျေးမှုတွေ
စုံတဲ့နေရာ၊ကျယ်ပြန့်ပွင့်လင်းတဲ့ လူအဖွဲ့အစည်းရှိရာ၊မြန်မာအငွေ့အသက်တွေ
ဖြန့်ခင်းထားရာ မန္တလေးကိုတော့ ရင်ထဲမှ စွဲလမ်းမိတာပါ။
×××-----×××-----×××-----×××-----×××-----
(၃)
အခုနေ အာလာဒင်မီးခွက်စောင့် ဘီလူးနဲ့တွေ့လို့
လိုရာဆုတောင်းပါ ဆိုရင် “မန္တလေးမှာ ပြန်မွေးပေးပါ” လို့ ပြောမိမှာ
အမှန်။မန္တလေးမှာ ကျွန်တော် ကြီးပြင်းခဲ့ရပေမယ့်၊တကယ်မွေးတာကတော့ အမေက
ကျွန်တော်ကို မြေလတ်မြို့မှာ ပြန်မွေးခဲ့သည်။ကျွန်တော့် အစွဲအလမ်းတွေကို
ပြန်တူးဆွ ပေးခဲ့တာက “ပြုံး”ပါပဲ။သူက ကျွန်တော် ကျွန်တော် လို့ မပြောတတ်သော
မန်းသူပါ။ကျွန်တော် နဲ့ “ပြုံး” တို့ online မှာ အမြဲ available ပါ။
အမြင်တွေ ဖလှယ်ကြရင်း ကျွန်တော်က မယ်ဆယ်တန်း၊လိပ်ကန်၊
ကျောက်တော်ကြီးဘုရား၊ စင်္ကြာသီဟဘုရား၊မန်းလေးတောင်
နဲ့ ညဈေးတန်းတွေကို လွမ်းဆွတ်ရသည်။ “ပြုံး”ဟာ ခင်မင်စရာကောင်းတဲ့
ညီမလေးတစ်ယောက်ပါ။သူနဲ့ စကားပြောရင်း ကာလအကြာကြီးသေနေတဲ့ ကျွန်တော့်ဘ၀သည်
တစ်ခါ လန်းဆန်းခဲ့ရသည်။“ပြုံး”သည် ခင်မင်စရာကောင်းသည်။ယဉ်ကျေးသည်။
လိမ္မာသည်။ညီမလေးတစ်ယောက်လို ကျွန်တော့်ကို သတိတွေ
ခဏခဏပေးသည်။ကျွန်တော့်ဂရုစိုက်မှုလေး တစ်ခုကိုတောင် ကျေးဇူးတွေ
အခါခါတင်လောက်အောင်ကို ကျွန်တော့်အပေါ် အလေးအနက်ထားလွန်းသည်။ “ပြုံး”သည်
“စမိုင်းလ်” မဟုတ်ပေမဲ့ “စမိုင်းလ်” ရော “ပြုံး”ပါ ကျွန်တော့်ရဲ့ ငြိတွယ်ရာ
ဖြစ်ခဲ့ရသည်။“ပြုံး”ရဲ့ “ကိုကို”ဆိုတဲ့ အသံလေးက ကျွန်တော့်ရင်ထဲကို
အနက်ရှိုင်းဆုံးထိ ထိုးဖောက်ဝင်ရောက်သွားသလို ခံစားရသည်။
------×××-----×××-----×××-----×××-----×××-----
(၄)
အနက်ရှိုင်းဆုံး ဘ၀အဓိပ္ပာယ်တွေ ဆက်လက်ဖို့ ကြိုးစားကြရင်း
နားလည်မှုတွေ ကြိုးညှိခဲ့သည်။ မြတ်နိုးတတ်လွန်းပေမဲ့ ကျွန်တော့်ရဲ့
စိတ်မရှည်မှုတွေကြောင့် “စမိုင်းလ်” ရဲ့ စိတ်ကို နှောက်ယှက်စေမိသည်
ထင်သည်။အဲဒီ အနှောက်အယှက်တွေကတစ်ဆင့် စာကြိုးစားနေရတဲ့ စမိုင်းလ်ကို
စိတ်ဒဏ်ရာတွေ ပေးတယ် ထင့်။ဘာပဲဖြစ်ဖြစ် သူက ကျွန်တော့်ကို IT နဲ့ Internet
နည်းပညာတွေ သင်ပေးခဲ့သည်။ အစိမ်းရောင် တောအုပ်တွေထဲမှာသာ နစ်မြုပ်နေတဲ့
ကျွန်တော် သူ့ကို သိပ်ကျေးဇူးတင်သည်။ကျွန်တော်လည်း သူကို့
အရိပ်သဖွယ်နေပေးခဲ့သည်။အရိုးသားဆုံးဝန်ခံရရင် “ကို”လို့ခေါ်တဲ့“စမိုင်းလ်”
ရဲ့ အသံချိုချိုလေးကိုမခွဲနိုင်ဘဲ
စွဲလမ်းတပ်မက်ခဲ့ရသည်။ကျွန်တော်ကအနာဂါတ်ကို ပုံဖော်ရင်း“စမိုင်းလ်”
ရဲ့ဘေးမှာလျှောက်ရပေမဲ့ သူ့ရင်ထဲကဆူးညှောင့်လေးတွေကို
ကျွန်တော်ဖယ်ရှားဖို့တာဝန်ပျက်ကွက်ခဲ့ရသည်။
------×××-----×××-----×××-----×××-----×××-----
(၅)
တစ်နေ့တော့ကျွန်တော့်ရဲ့အတိတ်တွေ စုစည်းထုပ်ပိုးထားတဲ့
စာအုပ်လေးတစ်အုပ်“စမိုင်းလ်” အခန်းထဲ
ကျန်ခဲ့မိတယ်။သူဘာတွေသိမြင်သွားလည်းကျွန်တော်မတွေးတတ်ပါ။ကျွန်တော်ဟာအိတ်သွန်ဖာမှောက်
မပြောတတ်ပေမဲ့ ဖုံးကွယ်လိမ်ညာတတ်သူတော့ မဟုတ်ပါ။ကျွန်တော့်ဆီမှာရှိသော
အတိတ်တို့သည် “စမိုင်းလ်” နှင့် လွတ်ကင်းတာ
များများစားစားမရှိခဲ့ပါ။ကံတရားရဲ့ လွဲချော်သောပစ်မှတ်အချို့ကလွဲရင်ပေါ့။
“စမိုင်းလ်” ရဲ့ အစိမ်းနုရောင်မျက်ဝန်းတို့သည် တဖြည်းဖြည်းပြောင်းလဲလာနေတာ
ကျွန်တော်သတိထားမိသည်။ အစိမ်းရင့်ရောင်မျက်ဝန်းတို့ဆီမရောက်ခင်
ကျွန်တော်တို့ညှိနှိုင်းတိုင်ပင်ဖို့မရသေးခင်အချိန် တာဝန်ဝတ္တရားအချို့က
ကျွန်တော်ကိုစိုက်ခင်းတွေဆီပြန်ခေါ် သွားတော့သည်။ဒါလည်းပဲ
ကံတရားရဲ့လွဲချော်သော ပစ်မှတ်တစ်ခုပေပဲလား။ ဖိစီးတဲ့အလုပ်တွေကြားမှာ
ကျွန်တော်ပျောက်ကွယ်လုမတတ်၊ကျွန်တော့်Mail box ထဲက “စမိုင်းလ်” ရဲ့စာသည်
ကျွန်တော့်ကိုထိခိုက်စေခဲ့သည်။ သို့ပေမဲ့“စမိုင်းလ်” ကို
ကျွန်တော်ဆက်သွယ်စရာ
အစအနလေးတောင်မရှိခဲ့ပါ။ကဗျာဆရာမင်းထက်ငြိမ်းရေးဖွဲ့ထားသလို ထိုနေ့က
ကျွန်တော်တို့ ကိုယ်စီကိုယ်ငှ
လိုင်းမကောင်းကြပါ။စာတိုလေးတစ်စောင်တောင်မပြန်နိုင်ခဲ့ပါ။
ဆယ်စုနှစ်တစ်ခုကျော် တည်ဆောက်ခဲ့ရသော ကျွန်တော်တို့၏
နားလည်မှု၊ သံယောစဉ်၊ ချစ်ခြင်း မေတ္တာတရားတို့သည်
ဘယ်မှာအဆုံးသတ်မှာပါလိမ့်။(၄)လကျော်ကြာပြီးနောက်ကျွန်တော့်ရဲ့Mail box
ထဲကို ဒုတိယVirus တစ်ကောင်ဝင်ရောက်လာပြန်သည်။ “Ko Kaung Htet………I have no
longer with you ! ……..Smile” တဲ့။ကျွန်တော်တို့ တက္ကသိုလ်ဒုတိယနှစ်ကတည်းက
ရေးခဲ့တဲ့အတိုင်း သူကအင်္ဂလိပ်လို ရေးထားသည်။ကျွန်တော်ရေရွတ်စရာက လုံးဝ
မသက်ဆိုင်တော့ပါ တဲ့။တစ်ကယ့်ကို ကျွန်တော်တို့ လုံးဝ
မသက်ဆိုင်တော့ဘူးလား။အချိန်ကာလ(၄)လ(၅)လဆိုသည်မှာ အခြားသူအတွက်ကတော့ လုပ်စရာ
Schedules တွေများနိုင်ပေမဲ့ ကျွန်တော့်လို
စိုက်ပျိုးရေးသမားအတွက်ကတော့သီးနှံတစ်ခုခုထဲ ခေါင်းတိုးဝင်ဖို့ လိုအပ်သော
အချိန်ကာလတစ်ခုမျှသာ။ကျွန်တော်ခေါင်းမဖော်နိုင်ခဲ့ပါ၊အစိမ်းရောင်တွေ
ကျွန်တော့်ပတ်ဝန်းကျင်မှာ ရိတ်သိမ်းပြီးတော့ “စမိုင်းလ်” က
ကျွန်တော့်ရင်ထဲကို အစိမ်းရင့်ရောင်တောအုပ် တစ်အုပ် ကြဲပက်သွားခဲ့သည်။
အခုတော့ လုံးဝ မသက်ဆိုင်တော့ပါ ------------တဲ့။
×××-----×××-----×××-----×××-----×××-----
(၆)
“စမိုင်းလ်” ကို ဆက်သွယ်စရာ Email ၊ Facebookများကို
တိုးဝင်ခဲ့ပေမဲ့ “စမိုင်းလ်” သည် အမြဲ offline ဖြစ်နေခဲ့ပါသည်။သူရဲ့
Profile လည်းဝင်မရခဲ့ပါ။Messages လည်း ချန်ထားခဲ့လို့ မရပါ။နောက်ဆုံးအနေနဲ့
ကျေးဇူးတင်တာကတော့ ၂၀၁၀ ခုနှစ် ကျွန်တော့်မွေးနေ့ ကျွန်တော့် Facebook
စာမျက်နှာမှာ “ကိုကောင်းထက် မွေးနေ့မှာ ပျော်ရွှင်ပါစေ” ဆိုတဲ့ စမိုင်းလ်ရဲ့
သတိရမှုလေးတစ်ခုသာ။
တေးရေးဆရာဝင်းမင်းထွေးရဲ့စကားလုံးလို “ကြိုတင်ကာ
ဇာတ်ညွှန်းဖတ်မလာသူ------------ဘ၀ဟာ-------မင်းသားတစ်ယောက်ပါပဲ။”
ဒီသံစဉ်စာသားလေးက ဇော်ဝင်းထွဋ်ရဲ့အသံရှရှလေးနဲ့ ကျွန်တော့် ရင်ထဲ
ခဏခဏရောက်လာတတ်သည်။ကျွန်တော်ကို ကျွန်တော် ကျွန်တော့်ဘ၀ရဲ့မင်းသားလို့
ထင်မှတ်မှားခဲ့မိတာပါ။တစ်ကယ်တော့ကျွန်တော်ဟာ ကံကြမ္မာမင်းသားကို
ပို့ရတဲ့ဇာတ်ပို့တစ်ယောက်မျှသာပဲ။
ကျွန်တော်ချစ်တဲ့ မန်းမြေကို ခြေချဖို့ ကြိုးစားရင်း
ခရီးနှင်ရဦးမှာပါ။နောက်ထပ်တစ်ကြိမ် ဆောက်ထားတဲ့ အိမ်လေးမှာတော့
ဘယ်လိုစခန်းသွားရဦးမှာလဲ။ “စမိုင်းလ်” ကို သက်ဆိုင်သေး ပါသလား။“စမိုင်းလ်”
က လုံးဝ မသက်ဆိုင်တော့ပါ ဆိုရင် ကျွန်တော်အနေဖြင့် အခုလို “လုံးဝ
မသက်ဆိုင်တော့ပါ” လို့ “ပြုံး”ရဲ့ အပြုံးကို ကြည့်ရင်း ကျွန်တော်
ပြောနိုင်အောင် ကြိုးစားရပါလိမ့်မယ်။ ။
လုံးဝ မသက်ဆိုင်တော့ပါ။
မောင်နေပြာ
