-အဲ့ဒီ အနှောင့်မလွတ် အသွားမလွတ် ဇာတ်ထုပ်ကို
တမင်လုပ်တာ မဟုတ်ပါဘူး
ရှင်သန်နေရတဲ့ ဘဝ ကိုက
ကျဉ်းကျပ်လွန်းခဲ့တာပါ ။
- ထက်မြမှု ဆိုတာတွေက
ကိုယ့်အိမ်ကိုယ့်ရာလို အတည်တကျနဲ့
သိုက်မြုံတွေ မလှမပ ဖွဲ့လို့ ။
- ဝင်လိုက်ထွက်လိုက် ရိုက်ချက်ပြင်းပြင်းတွေအောက်
ဖန်တရာတေအောင် လျှောက်ခဲ့သမျှ
ပွင့်ခွင့်မရဘဲ ကြွေ , ကြွေကျ
ကြာတော့
အခန်းထောင့်က အိပ်ဖန်စောင့်သာသာ ကြတ်ခိုးတွေလို
ဘဝဟာ ဟန်ပြ သက်သက်နဲ့
အက်ရှ ကြေကွဲ ခဲ့ရပေါ့ ။ ။
မောင်ယုယ
