ည

ညက ညကုိ ေစာင့္ၾကည့္တဲ႕ ညမွာ
ညက ညကုိ လာႏြယ္တယ္
ၾကည့္စမ္းပါဦး ......
လမင္းႀကီး ဝင္းပေနလုိက္တာ
လေရာင္ေတြ ရႊမ္းစုိေနလုိက္တာ
သြားစမ္းပါ .....
ညဟာ ညအတုိင္း ရွိဖုိ႕ .....
ညက ေသခ်ာရဲ႕လား .....
... ခုလား ခဏၾကာမွ လား....
မဲနယ္အုိးထဲ က်သြားတဲ႕ အျဖဴစက္ တစ္စက္လုိ 
အဘယ္ကဲ႕သုိ႔ေသာ တရားက အဲ႕ဒီရင္ဘက္ထဲ ေရာက္ႏုိင္ဦး မလဲ
ခင္ဗ်ား အတြက္ လြယ္ကူရာလြယ္ကူေၾကာင္းအတြင္း အဇၨ်တၲ ကုိယ္စီမွာ
စနက္တံ ကုိယ္စီ တပ္ေပးၿပီးသား
မတုိ႔မွီကတည္းက ေလွာင္ၿမိဳက္ၿပီးသား
မဖ်က္ခင္ကတည္းက ပ်က္သုန္း ၿပီးသား
ပုိးဖလံ မ်ဳိးမုိ႕ မီးကုိတုိးတာ မဆန္းေပမယ့္
သုႆန္ တစ္စျပင္ျဖစ္မွ အရွင္သခင္ လုပ္ခြင့္ရမွာ ဆန္းတယ္
ဘယ္ စကားလုံး အရုိင္းေတြနဲ႔ ပစ္ေပါက္ၿပီး
ဘယ္သုိ႕ေသာ တရားေတြနဲ႕ မ်က္ကြယ္ျပဳရမလဲ
ခုေတာ့
ညက ညကုိ အထိတ္တလန္႕ ေစာင့္ၾကည့္လုိ႕
ညက ညအတုိင္း မေနဝံ့ပဲ
လူကုိ လာႏြယ္ ေနတယ္။

မွဴ းဆက္ပုိင္

ပြင်ဦးလွင်အလွမ်း

တောင်တက်လမ်းမြွေလိမ်မြွေကောက်

ချောက်ကမ်းပါးနဲ့မြူခိုးဝေရှုခင်း

ထင်းရူး၊ချယ်ရီ နဲ့ စိမ်ပန်းပြာ

ဆွယ်တာထူထူဝတ်ထားရတဲ့ အအေးဓာတ်

အဲဒါတွေပေါင်းစပ်လိုက်ရင်

မထင်မှတ်ဘဲ ဝိုင်တစ်အိုးဖြစ်သွားတယ်။

တောင်ပေါ်မြို့လေးကိုယ်တိုင်

အဲဒီဝိုင် တမြမြ

ရီဝေေ၀ စကားတဖွဖွနဲ့

ဧည့်စိမ်းကို ပေးသောက်လို့….

နှစ်မြို့ပြီဆိုမှ

နှစ်မချို့တဲ့ အကြောင်းပြချက်နဲ့

ဝိုင်းအိုးကို ဝှက်ထားလိုက်တော့တာ။ ။

 ရိုးကိုလေး

ခို

တမာတွေဖူးပြီနော်

ညည သီချင်းဆိုညဉ်းတာ အစ်ကိုလားတဲ့။

သူငယ်ချင်တွေက တအားစတယ်

ငွေတောင်နားက ခိုတွေလိုပဲတဲ့

     သိပ်ညဉ်းတာပဲနော့

     စားမေးပွဲနီးမှ စာကူးပြင်(ချင်)။

မင်းစစ်အိမ် 

(ခိုတွေက ညဉ်းတတ်တယ်လို့ ဆိုတာပဲ)

---------------------------

“အထီးကျန်တာလေးကို ခဏပေါင်ထားပါရစေ

   ကျွန်တော်ချစ်သူလာရွေးမှာပါဗျာ”

      စိတ္တညတွေ ထည်လဲတွဲနေရပေမယ့်……..

      ချစ်သူမနက်ခင်း လက်လေးကနွေးမှာပါ…။

           “ချစ်တယ်”လို့ မပြောခဲ့ပေမယ့်………….

           “စောင့်ပါ”လို့ မပြောခဲ့ပေမယ့်………….

မျှော်လင့်ချက်မဲ့တဲ့ကောင်းကင်ပေါ်က

ကြယ်ကြွေလေးတစ်ဖဲ့ ကျလာရင်ကိုပဲ

အဲဒါ…..........ကျွန်တော်ချစ်သူပေါ့………………။

            ရောမမြို့ကြီး မီးဟုန်းဟုန်းတောက်ခဲ့တုန်းက…….။

            နီရိုးဘုရင် တယောထိုးမပျက်ခဲ့ဘူးတဲ့။

            ကျွန်တော်ရင်တစ်ခွင်လုံး…..

            မီးဟုန်းဟုန်းတောက်မဆုံးလည်း

           ဂစ်တာတီးတာ…..ကျွန်တော်မပျက်ခဲ့ဘူး။

ချစ်သူလာရင်တော့……

သူကြောင့် ရေးထားတဲ့…

အသည်းကွဲသီချင်းတွေ သက်သေရှိမယ်လေ။

ချစ်သူပြောခဲ့တယ်………….

 “အသည်းကွဲသူများ ပြည့်နှက်နေသော ကမ္ဘာ” တဲ့

 “ဖူးစာဆိုတာ………….. ဦးရာလူ” တဲ့

             ဘာပဲဖြစ်ဖြစ်……

            ပြေးရင်း ၊ လွှားရင်း ပါပဲလေ….

            ပထမ,မရလည်း……

           (ကြိုဆိုမယ့်သူမရှိလည်း)

            ပန်းဝင်ချင်ပါသေးတယ် ချစ်သူရယ်……..။

                                                                             ကျော်ဇောလွင်

 ၁၃-၈-၂၀၀၂

(ကဗျာခေါင်းစဉ်ကို ချစ်သူကပေးပါလိမ့်မယ်…………..)