ငြိမ်းချမ်းရေး......တဲ့
အဲဒီ့ ပန်း တွေ
ကမ္ဘာပေါ်...မပွင့်တာ
ဘယ်လောက်ကြာပြီလဲ။
လူ က. လူကို မုန်းတဲ့ ဇာတ်
လူ က. လူကို အမြစ်ဖြတ်
အချစ် ငတ်တဲ့......ကဗျာ
လူတကာ ရေးလို့
မနွေးထွေးကြတဲ့......ရင်ခွင်
အားလုံးဟာ သူစိမ်းပြင်ပြင်....
ဖြစ်နေကြတုန်းပဲ။
ဧည့်သည်လို လာ
ဧည့်သည်လို သွားပေမယ့်
အမှား....တစ်ရာ
ပြဿနာ....တစ်ထောင်
အမှောင်.....တစ်သောင်း
ထောင်းထောင်းကြေမွ
ကျွန်တော့်ရဲ့......ည တွေ
ခင်ဗျား တို့ရဲ့.......ည တွေ။
နွေလောက်နဲ့ တော်ပြီ
ထပ်မပူ ကြနဲ့တော့
မိုးလောက်နဲ့. ဖြစ်ပြီ
ထပ် မသည်း ကြနဲ့တော့
ဆောင်း လောက်နဲ့. ရ ပြီ
ထပ်မချမ်းကြနဲ့ တော့။
ကျည်ကတ် တွေ ထဲ
ပန်းပွင့် တွေပဲထည့်လို့ ရရင်
ကောင်းမယ်....။ ။ (ဒီနေ)
