ခွဲခွာရမယ်မှန်း သိရက်နဲ့
လက်ပြနှုတ်ဆက်ရတာကိုက
ရင်ထဲမချိစရာ
ခဏတာခိုလုံခွင့်ရပေမယ့်
တစ်ဘဝစာ အမှတ်တရတွေ ကြုံရတယ်။
ဘယ်နှစ်ကြိမ်မြောက်မှန်း မသိ
နှုတ်ဆက်လက်တွေ ဝှေ့ယမ်းနေတဲ့
ကျောင်းတော်ကြီးရေ---
သားသစ်တွေနဲ့ နုပျိုပါ
ချိုမြိန်တဲ့ အနမ်းတွေ ပေးပါ
နွေးထွေးတဲ့လက်တွေကမ်းလင့်ပါ
လွမ်းခွင့်တွေ ကိုယ်စီပိုက်လို့
လောကဓံ ဒိုက်ပုံပေါ်မှာ
သားကြီးတွေလျှောက်ကြမယ်။ ။
မင်းသွေးနိုင်
၁၃-၈-၂၀၀၂
(သူငယ်ချင်းတွေရဲ့ စိတ်ကို တူးဖော်ကြည့်လိုက်တဲ့အခါ-------)
